Welkom, Besoeker
Welkom, Besoeker
Taal waarskuwing*

Titel: Ontluikende passie vir jou

Deur Letiia Sachse-Mienie
Datum gepubliseer: 19 Oktober 2020 Aantal woorde: 297 120 Kere gelees 1

Ontluikende passie vir jou

In ʼn dwaaltuin vasgevang deur skaduwees wat my teister, my magteloos laat teen die verlange van jou lyf
smagtend na jou gordels van veiligheid, gordels wat my omvou met bollende heuwels, en are stromend vol bloed
elke gordel se end palm met vyf vertakkings wat in my hare verstrengel soos my kop jou bo lyn vind
elektrisiteit vloei uit jou vertakkings, deurdring my siel soos elke punt passievol hulself beklemtoon
ons neem mekaar in met suiwerheid sodat die asemteug wat volg berusting bring saam die wete dat ons net mekaar nodig het

Stomend swik ek soos jou groen grys vensters my wese deurboor
vol lippe kwes my nek sag opwaarts tot waar jou wapen myne se skuiling infiltreer
aanlokkend, tergend om die geheim van my passie te bevestig
volheid van albei se bron van lewe laat die vlinders wapper diep in my binneste
die verbintenis tussen ons is stomend
jou bron van lewe trek weg van myne, jou vensters vind myne
ʼn glimlag speel in die hoeke soos jy vir my fluister,
“Ek is lief vir jou.”
verwyder die spasie tussen ons
skilder dit in met kleure van die ruimte waarheen jy my vervoer
jy laat my woordeloos, ʼn dweper vir jou menswees
besieling vir al die woorde wat in my kop rond jaag
die ekspressie van wat ek in jou gevind het speel daagliks op my gesig af

In die nagtelike ure staar my siel na jou
die lyne van jou lyf beleef ek sonder enige aanraking
my veilige vesting die verswering van talle emosies
ek fluister soos jy droomland binnedring
“Ek is lief vir jou my alles.”
gordyne val oor my vensters en in ʼn oomblik van waansin vind ons mekaar in droomland
ons vertakkings verweef soos jy weereens my passie ontluikend vind

© Letitia Sachse-Mienie




TEMAS
3 Kommentaar
  1. HelenaMellet

    19 Oktober 2020

    Sjoe! Nou bloos ek skoon…
    Lekker gelees.

  2. Letiia Sachse-Mienie

    19 Oktober 2020

    Baie dankie vir die stilstaan by my stukkie werk. Ek waardeer dit.

    Hierdie is vir my man geskryf, sy arms is altyd my gordels van veiligheid.

    Weereens dankie.

    Groete

  3. Anze

    20 Oktober 2020

    Pragtig, baie dankie vir jou bydrae tot die Oktober 2020 – OOP-projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 2
Kommentaar telling: 1

Gebruikers Aanlyn

1 Lid, 89 gaste aanlyn

Bydrae Totale