Ontknoop die lente
Koue sif oor die veld
verkleur alles van groen na bruin
soos flenters van hoop en vrede
wat hang aan bome se takke
Vensters staar kaal en sielloos
na buite
en die wêreld glimlag met ‘n traan
na die nuwe blos op die maan
Ek wil die eindelose wydte van
my liefde oor jou gooi
‘n stukkie kleur tussen dorre gras
die veld met sy glimlag bestrooi
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Augustus As seisoene vir ons draai projek