Welkom, Besoeker
Welkom, Besoeker

Titel: ONTDEKKINGSREIS.

Deur Margaret Cordier
Datum gepubliseer: 11 April 2019 Aantal woorde: 159 194 Kere gelees 2

Ek het na jou kom soek,
Jou nagevors in elke boek.
Jou geboorteland deurkruis,
en op elke denkbare pad geloop,
myself ook in die Jordaan gedoop.

In die ou stad koop ek groente en vleis,
–vanaand vier ek Jerusalem op reis!
Hier is heerlike vars kruie en speserye
— handevol halva met dadels daarby.

Verwonderd terwyl ek waadpoot deur
die eeu oue Hiskia tonnel loop,
spoel ‘n enkeldiep waterstroom deur
my ougoed ashoop —
alles word nuut in die rots se skoot.

Herbore en deur die tonnel uitgestoot,
breek by Siloam, my lewenskoord.
Vir ‘n oomblik deur die lig verblind,
sien ek bome, sien ek soos ‘n kind.

Ek moet aanhou soek, ek moet jou vind.

Ten laaste gaan ek na die Oliepars.
Hier kry jý my, nog steeds besig om spoor te sny.
Jou oë is sag, die dou op jou hare vars.
Vir só lank het ek jou gesoek.
Jou naam is Ek is…die Boek.

MCDb.




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 31
Kommentaar telling: 18

Ek bly in die Waterberge en is baie lief vir alle vorme van kuns. Vir my gee die skryf van gedigte; prosa; sketse en dies meer, die geleentheid om my diepste belewenisse en waarnemings neer te pen en te deel met lesers.

Gebruikers Aanlyn

0 Lid, 170 gaste aanlyn

Bydrae Totale