Welkom, Besoeker
Welkom, Besoeker
Taal waarskuwing*

Titel: ONAANGERAAK

Deur Caren Kearley
Datum gepubliseer: 27 Januarie 2021 Aantal woorde: 158 96 Kere gelees 6

As ek vandag êrens in die Kgalagadi park
tussen Hartebees, Wildebeest en Afrika Luiperds
kon sit sommer net so platgat in die stof
sou ek my vergryp aan die wonders van ons land
ek sou vergeet van die Boland se berge
en my Vallei vol stomp goue koringlande.

Ek dink ek sou eers Sekretarisvoëls en Valke bestudeer
ek sou verdrink in die habitatte en ekosisteme
en al die goed wat geld nie kan koop
ek sou vergeet van die gat in my hart
die letsels op my siel en my onvoltooide spore
dalk die woede in my mak wou maak.

Ek sou aan niks wou vat nie
ook nie ‘n binne begeerte hê om iets na te laat nie
ek sou eerder alles net so los
myself ook net so wou los
saam met my spoke en skadu’s onder ‘n boom sit
en stil-stil asem haal
tot alles om my verstof.

© Januarie 2021 Caren Kearley
Kopiereg voorbehou




TEMAS
2 Kommentaar
  1. Anze

    27 Januarie 2021

    Pragtig, baie dankie vir jou bydrae tot die Januarie 2021 – Verwagting/e-projek

  2. Koos Elsum

    29 Januarie 2021

    Uit die nat verstaan ek jou verlang na ń stofgat, eenvoudig sonder verlange na nou of hierna. Dis mos vrede.

    Die gebruik van hoofletters in die diername vind ek vreemd

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 169
Kommentaar telling: 29

Ek het groot geword in Namibia en meeste van my tiener jare in Namaqualand spandeer. Gematrikuleer in die Paarl by La Rochelle Hoër Meisieskool en onder andere ‘n diploma in aankopebestuur verwef by Varcity Kampus in Rondebosch.  Ek woon tans saam met my  twee dogters in een van die mooiste Bolandse dorpies, Wellington. Ek doen balsaal dans vir ontspanning en boks vir selfverdediging  Solank as wat ek kan onthou maal woorde al deur my kop. Om gedigte te skryf was nog altyd my manier om sin te maak van die lewe.  Vir my kinders sê ek altyd dat kunstenaars onsterflik is en indien my gedigte ooit publikasie haal, sal hulle vir altyd ietsie van my hê. My wildste verwagtinge is oortref, toe ek uiteindelik ‘n digbundel in my hande vashou waarin ‘n paar van my gedigte verskyn.  Nou is ek dankbaar vir ‘n talent wat ek miskien te lank weggesteek het en dus beplan ek nie om verder tyd te mors nie. My grootste droom is om eendag ‘n klein bydrae te lewe in die bevordering van Afrikaans deur my eie digbundel te kan puliseer.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

2 Lede, 123 gaste aanlyn

Bydraes – Argief