Welkom, Besoeker
Welkom, Besoeker

Titel: Om vry te wees – soos berge

Deur Viooltjie
Datum gepubliseer: 19 Junie 2020 Aantal woorde: 147 127 Kere gelees 1

(goud)

Die bolande se berge
lê uitgestrek voor my;
die kranse en die klowe paradeer
millennia se verhale
by my hunkeroë verby.

Hoe vry moet dit nie wees nie
om vir ewig so te lê nie
(terwyl fynbos teen jou hange groei,
wingerd aan jou voete bloei)
en die hele wye hemel
as jou ope dak te hê nie.

Hoe salig moet dit wees
om die son op jou te voel
en sawens, as die skemer kom
stadig af te koel
tot jy middernag
(kaalontbloot)
kan aanskou hoedat die heelal
haar sterstreep oor jou skroot.

En selfs al reën jy winternat
en al word jy woes verwind
wis jy –
vryheid is die één ding
wat jy binne jou moet vind.

© Carma Shaw
19 Junie 2020
5:12

* kaalontbloot – intensiewe vorm vir ontbloot of vir kaal
* Winternat – nat, soos bv. ’n Kaapse winter
* Verwind – om erge wind te verduur
* Hunkeroë
* Sterstreep




TEMAS
3 Kommentaar
  1. Anze

    19 Junie 2020

    Pragtig, baie dankie vir jou bydrae tot die Junie 2020 – Vryheid projek

  2. Koos Elsum

    19 Junie 2020

    Dis pragtig en ek trek sommer Kaap toe. Ek vind die verduideliking van die woorde vreemd waarom vind jy dit as nodig?

  3. Seirdna

    22 Junie 2020

    Ja-nee
    Alweer uitstekend met beautiful neologismes

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 382
Kommentaar telling: 935

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

0 Lid, 45 gaste aanlyn

Bydrae Totale