Welkom, Besoeker
Welkom, Besoeker

Titel: Oer oue liedjie (Brons)

Deur Marsofine
Datum gepubliseer: 26 Oktober 2020 Aantal woorde: 129 57 Kere gelees 1

Daar is ʼn liedjie
wat mense steeds wil hoor
die oer oue note
wat vir eeue
die mensdom bekoor
sal hul na luister
oor en oor

die instrument
ʼn Skeppingswerk
immer nuut
met ʼn suiwerheid van noot

eers word jy jou gewaar
van die groeiende
bariton klanke
al harder en harder
totdat dit forte
met ʼn grootse gerammel
dan na die donderende klanke
volg die sagte andante
van druppels op die dak
speel die deuntjie rond
tussen allegro en moderato
verslaaf dit jou sinne
met hul minnelied
so onbeskryflik mooi

die aande skoon gewas
kom lê die vrede
vlak in jou siel
deur hierdie lied gebring
wil jy soms
nét dans in die reën!

©Marsofine Krynauw
26 Oktober 2020
Bariton – diep lae klank
Forte – hard
Allegro – vinnig
Andante – stadige pas
Moderato – gematigde tempo




TEMAS
1 Kommentaar
  1. Anze

    26 Oktober 2020

    Pragtig, baie dankie vir jou bydrae tot die Oktober 2020 – OOP-projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 31
Kommentaar telling: 15

Op 16 jarige ouderdom het ek begin dig nadat ek my Pappa skielik aan die dood afgestaan het, hy was my enigste ouer, my anker, en my vriend en my verlies  het my geïnspireer om my emosies vas te lê op papier. Die lief en leed van my vriende en verdere verlies van my seuntjie David op 4 maande wat my deur die jare telkens aangehelp het om my hand aan die pen te slaan en my gedagtes op papier vas te lê. Die lewe wat sommer net met my gebeur het en die genade van my hemelse Vader dat ek dit kon omsit in woorde. Het ook op skool ‘n groot liefde vir poësie gehad, en my grootste liefde was RAKA van NP van Wyk Louw. Met die aansporing van my Afrikaanse onderwyser, Mnr Niewoudt, het ek net nog ‘n groter liefde ontwikkel vir die digkuns en gedigte en die ontleding daarvan. My liefde vir die natuur as ‘n Namakwaland se blommekind en verder deur die besonderse vrou wat die enigeste ma is wat ek geken het Tannie Ellie aangespoor is deur haar eie liefde vir blomme en haar pragtige tuine.  Totdat ek in 2017 besluit het om dit te waag om in te skryf vir die ATKV Pluimpies.  En my nominasie vir ‘n toekenning het my laat begin droom oor my eie bundel.  Daarna het ek Heleen Malherbe van Malherbe Uitgewers elektronies ontmoet, saam met Marietjie Espach het sy die bundel van alle Namibiese skrywers en digters uitgebring Stemme uit Namibia 1 waarin daar van my gedigte opgeneem is. 2018 het ek weer besluit om in te skryf vir die ATKV Pluimpies en eers nadat ek gehoor het ek is weer genomineer vir ‘n toekenning, het ek geweet nou is die tyd om met die wêreld te deel wat uit my pen vloei en hopenlik sal dit mense wat dit lees inspireer en sal hul hulself kan vereenselwig daarmee. Dit sal ‘n bundel wees geskryf in verskillende lande op my reise met my werk, oorspronklik op servette in restaurante, op kasregister strokies, op enige papier met ‘n skoon strokie op daardie oomblik wat die woorde begin waai en later oorgeskryf in een van die vele joernale wat sommer net so ongeerg oral in my huis lê vir wanneer die woorde vloed my brein oorstroom. Dank aan Willem Woes wat die visie gehad het om die WOES webtuiste, platform vir Afrikaans, te begin en die geleentheid aan mense soos ek met ‘n droom in my hart en woorde wat waai, te gee om blootstelling en kommentaar van mede versie skrywers te gee om te groei en te leer van mekaar, want sonder WOES sou ek nooit bly skryf het nie. Dan Heleen Malherbe van Malherbe Uitgewers, wat my droom verwesentlik het, en Wooorde wat Waai, my digbundel ‘n werklikheid gemaak het vir al haar raad en bystand met die samestelling van die bundel.  Heleen is regtige die ‘Fairy Godmother’ vir sovele skrywers en digters en verdien die grootste eer en dank. In die laaste helfte van 2018 het ek my hand aan kortverhale gewaag en dit was van die begin af ‘n sukses storie.  Intussen is ek aangemoedig om Afrikaanse Fiksie te skryf en het tot op datum 3 manuskripte wat goedgekeur is deur Malherbe Uitgewers en in die proses is om voorberei te word vir druk. Dig en skryf is my passie en ek dank my Vader dat ek dit kan doen.

Gebruikers Aanlyn

1 Lid, 100 gaste aanlyn

Bydrae Totale