Welkom, Besoeker
Welkom, Besoeker

Titel: Naggedagtes

Deur Viooltjie
Datum gepubliseer: 8 Oktober 2019 Aantal woorde: 127 131 Kere gelees 4

Wat is trane dan, meer gevoel as blote water
en is hunkering net ’n dieper soort verlang?
Hoe is hartbreek seerder as ’n wond wat klop?
Dalk is skeiding iets anders as ’n duisend myl;
is vrees die uiterste van bang.

Ek vrees verliese.
Ek vrees dit, dat jy weg sal gaan.

Is heen en weer se skoppelmaai
’n reis wat aan ’n groot boom swaai –
’n vlug deur hemele, oor lande?
En is die arms wat my keer en weer
momentum gee
meer as net twee arms –
spiermotore met ’n hart?

O laat my vlieg, die bloue ruimtes in
deur elke vreugde, al ken ek smart.

Maar
vang my, as ek wederkeer
vang my vir ’n oomblik
in die omgee van jou hande.

© Carma Shaw
5 Oktober 2019
5:50




TEMAS
1 Kommentaar
  1. Seirdna

    8 Oktober 2019

    Jy mag maar

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 353
Kommentaar telling: 916

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

1 Lid, 130 gaste aanlyn

Bydrae Totale