Welkom, Besoeker
Welkom, Besoeker

Titel: ‘N PLEISTER VIR MY HART

Deur GhwarriegatQueen
Datum gepubliseer: 2 Junie 2019 Aantal woorde: 145 62 Kere gelees 3

‘N PLEISTER VIR MY HART

Toe jou oë vir ‘n oomblik wegkyk uit die gedenkalbum van onthou
…..steel ek jou hartsbewegingslyn
En maak daarmee vir my ‘n padkaart na jou wees
My kaal-voetspore wasem woordeloos onder die stil hunkering van jou asem
…. Maar dit bly my ontwyk.
Ek speel wegkruipertjie in die onbevange labirinte van jou siel
Raak wegverdwaal in die slentergang van voetpaadjies wat eers ons s’n was.
…. Maar dit bly my ontwyk.
Ek vertoef vir ‘n ewige oomblik by die padstal van jou gees
Koop vir my spookasem;
en ‘n lucky packet
Maar dis ook nie daar nie
…. Net ‘n tjoklit in blink papier
En ‘n plastiek ring
Maar waar kan dit dan tog wees…
Daai pleister vir my hart?!

Kyk mooi na jouself, liewe Bokkie my babie; en los altyd spasie binne-in jou hart vir die engele om te dans.
©Liza Daniells




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 57
Kommentaar telling: 19

Vergun my net so n skeutjie se agtergrond; seblief - Ek sal dit kort hou. Ek was vir 26 jaar (van ouderdom 8 jaar) vasgevang in prostitusie, delms, satanisme; ens. Ek sal jou nie opsaal met die detail nie. Ek is nou al 21 jaar deur God se genade vrygemaak van daai boeie van die verlede; maar ek ervaar steeds baie vervolging en verwerping van kerk en Establishment. En - verloor om n laaang storie kort te maak, ek het net mooi ALS - letterlik en figuurlik verloor. Hoeveel maal in die winter moes ek fisies op straat slaap; enne is nou een keer gegangrape......nou sit ek met serviks kanker. Maar dis nie die punt nie. Nie nou nie, in elk geval. Ek wil nie chemo of n hospitaalbed he nie. Ek wil weer die seesand onder my voete voel; die see sien. Ek is onherroeplik mal vir die see; vir mooi, ou Kaapland. Ek wil waag om te glo in die gebeur van n wonderwerk. Weer geluk vind; liefde. Ek wil LEWE!!!

Gebruikers Aanlyn

0 Lid, 85 gaste aanlyn

Bydrae Totale