Welkom, Besoeker
Welkom, Besoeker

Titel: ’n Klein verhaal van groot tragiek

Deur Viooltjie
Datum gepubliseer: 28 Desember 2018 Aantal woorde: 73 342 Kere gelees 4

(Goud)

Êrens in die Vrystaat
oor vlaktes vol verlatenheid
lê ’n ou seisoen se pluimsaad
en wag (vergeefs)
dat dit moet reën.

En midde die verskroeide somer
staan ’n windpomp (onvoltooid)
naas ’n sinkdam sonder water
– ’n tafereel in ’n slotverhaal.

Die aarde kraak haar lippe oop,
skreeu stil dié groot tragiek:
droogte ken die perke nie,
die son besing sy eie lof
en…
God had geen genade nie.

© Carma Shaw
28 Desember 2018
19:26




TEMAS
2 Kommentaar
  1. See-Jay-El

    28 Desember 2018

    Viooltjie, dis ‘n besonderse stuk werk. Die beelde wat jy gebruik om die verlatenheid en verslaendheid oor te dra is ongelooflik.

  2. Anze

    29 Desember 2018

    Pragtig, baie dankie vir jou bydrae tot die Desember 2018 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 356
Kommentaar telling: 921

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

2 Lede, 91 gaste aanlyn

Bydrae Totale