Welkom, Besoeker
Welkom, Besoeker

Titel: ‘n Kind se Seer

Deur Woordsmous
Datum gepubliseer: 10 Februarie 2019 Aantal woorde: 59 84 Kere gelees 1

Die seer wat in ‘n kinderhart kom lê
kom nesskop en haar wese infiltreer,
wat saam tot wasdom groei
haar later alle vreugd’ ontsê,
word dan die tralies wat die siel omsluit,
die lig kom in maar sy verleer hoe
om haar hand daardeur te steek
om selfs die krummels van die liefde
vir haarself te buit…

© Anton Bosch 09/02/2019




  • TEMAS
    1 Kommentaar
    1. See-Jay-El

      Februarie 10, 2019

      Die verborgenheid van ‘n kind se seer so akkuraat beskryf, dat dit mens amper skok. Ongelukkig verloor ons as grootmense nie die sere van ons kindwees. Party van ons is sterk en oorkom die vrese en grense van daardie seer, maar vir ander is die seer so diep dat dit ‘n tronk word, wat ons inperk, lamlê en selfs isoleer.
      Soveel so dat selfs die hulp, “lig” en liefde wat uitgehou word, soos verbode vrugte aan ‘n boom van Hoop hang. Na hierdie vrugte durf ons nie ons hande uit te steek nie.
      Briljante werk.

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 101
    Kommentaar telling: 43

    Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

    INK E-formaat tydskrif

    Gebruikers Aanlyn

    5 Lede, 292 gaste aanlyn

    Bydrae Totale