Welkom, Besoeker
Welkom, Besoeker

Titel: My Hakkelvers

Deur Woordsmous
Datum gepubliseer: 22 Augustus 2019 Aantal woorde: 100 103 Kere gelees 1

Ek hou van verse skryf wat rym.
verse waar die ritme vloei,
wat sin maak en die leser boei…

Maar vanaand is daar ‘n hakkelvers
hier in my siel,
wat nie wil vloei nie
en die rym makeer
want die krake in my hart
is baie seer,
daar waar die liefde bloei,
waar spatsels vreugde
bloed drup in my binnekant
en die lasplek in my gees
dreig om ook
mee te gee,
daar waar verlange
op die rantjie van die opgee
dieptes wankel,
daar hakkel woorde
soos ‘n windpomp se droogloop
in die stofwind
van die droë Karoo…

© Anton Bosch 14/08/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 110
Kommentaar telling: 43

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Gebruikers Aanlyn

3 Lede, 119 gaste aanlyn

Bydrae Totale