My alles
Ek begin met ‘n sin
‘n hoofletter A
ek vasualiseer ‘n laning bome
waardeer die sonlig ritmies flits
‘n letter L
ek soek jou teen die duistere rante
waar die wind fluist’rent bely
verflenter en verwaai, en ek vra myself
Waarom?
Nog ‘n nuwe sin met die letter L
‘n stormwind se golwegloed
wat in die lug ver-weg kwyn
in die verlore-gebroke sig
klingel emosies in versteende grafte kil
Voorlaaste sin met ‘n letter E
gepluk
gestroop
lê op ‘n hoop beloftes wyd en oop
Laaste sin eindig met ‘n S
in die krul van my hand
lê jou wintershart
wat in gister se trane brand
want jy was my lewe my ALLES
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2021 – OOP-projek