Welkom, Besoeker
Welkom, Besoeker

Titel: Monumentaal

Deur Viooltjie
Datum gepubliseer: 18 April 2019 Aantal woorde: 145 396 Kere gelees 3

My taal is soos ’n suikerbos
wat geanker teen berghange groei
en bottergeel haar blom laat bloei;
soos reën wat oor granietsteen vloei
en die droë aarde binnedring;
soos mos wat sag en groen
teen rotse rus
en alle skadu’s vul met lewe.

Soos wind wat deur die klowe huil,
maar eindelik die donker
vir vryheid en vir lig verruil –
só is sy.
En sonder hamer, sonder beitel
vind sy die krake tussen klip;
sy laat haar woorde en haar weelde
na nuwe wêrelde ontglip.

Haar wese is ’n toring
wat (sonder perk)
die horison en landskap merk.
Haar siel is wolke, soos môremis
wat geen grens of some ken nie.

My taal is soos ’n suikerbos
met vele voete in die grond;
gewortel in verskeidenheid
protea sy haar lote
wuiwend oor valleie
en die hoogste kranse uit.

© Carma Shaw
18 April 2019
11:04




TEMAS
2 Kommentaar
  1. Margaret Cordier

    19 April 2019

    Bravo!!!
    Carma jou digwerk roer my hart.

  2. Zebulon Kochk

    19 April 2019

    Wat n besonderse taal is Afrikaans nie,:;baie mooi Gedig💯👏

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 340
Kommentaar telling: 914

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

0 Lid, 111 gaste aanlyn

Bydrae Totale