Welkom, Besoeker
Welkom, Besoeker

Titel: Mondhoekkreukel glimlag

Deur Callie Vermeulen
Datum gepubliseer: 28 Junie 2018 Aantal woorde: 81 145 Kere gelees 2

vroeg oggend, toe donker se kombers
swart en stil oor alles nog lê,
met straatligte wat kolle lig so effens
oor die leë oggend-strate gooi,
en nanag se koel nat asem
wat liggies oor ons waai –
het my vingers hul pad gevind
na die warm klop van jou hart,
waar my skrywershand met veerpen
jou glimlag tussen slaaplyne gepen het;
wyl my koel lippe sag-soekend
met vlindervlerke-fladder
jou wakker gesoen het –

en toe het jou mondhoekkreukel glimlag
my geheel verower.

©callie 2016




  • TEMAS
    2 Kommentaar
    1. Anze

      Junie 29, 2018

      Pragtig, baie dankie vir jou bydrae tot die Junie 2018 – Poëtiese orde projek

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 25
    Kommentaar telling: 208

    Het op skool alreeds begin skryf en 'n liefde vir tale gehad. Gedigte was deel van hierdie groeiperiode. Het toe 'n lang droogte tydperk beleef van etlike jare. Middel 2015 het ek weer die pen opgeneem en ernstiger begin skryf en dig en myself begin uitleef in rym en in woord.

    Gebruikers Aanlyn

    1 Lid, 2,908 gaste aanlyn

    Bydrae Totale