Welkom, Besoeker
Welkom, Besoeker

Titel: Mevrou Noag

Deur Denise van Rensburg
Datum gepubliseer: 14 Junie 2018 Aantal woorde: 150 269 Kere gelees 2

Vanaand kook jy!
Ek is op, gedaan…
sou nooit kon dink dat dit met my
so swaar op hierdie reis sou gaan nie.

My kop draai van die lawaai
wat nooit stil word of selfs sagter
en met die skoonmaak van die plek
is ek sewe weke agter.

Vra ek jou nou, Noag:
Hoe gaan hierdie leeus ooit leer
dat die bokke nie vir eet is?
Dat alle vleis vir veertig dae
vir hulle vir vergeet is?

En ek dink die koei is seesiek
haar melk is suur, sy’s naar…
en beide olifant het engtevrees
-hul wil nie verder vaar.
Die boorwurms hou aan vreet
aan die ark se linker hoek
en een van die twee vlooie
is wrintiewaar weer soek…

O liewe aade, nee…
Ek gaan lê.
Kom roep my maar vir eet,
maar nou, vir `n klein, klein rukkie,
wil ek net van al die arkdrama vergeet.




TEMAS
2 Kommentaar
  1. Anze

    14 Junie 2018

    Pragtig, baie dankie vir jou bydrae tot die Junie 2018 – Poëtiese orde projek

  2. Annamarie du Toit

    17 Junie 2018

    Kostelik!

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 10
Kommentaar telling: 13

As `n mens, soos ek, in die skaduwee van die Taalmonument bly, is skryf seker verpligtend...of hoe? Ek skryf hoofsaaklik kindergedigte, maar eksperimenteer graag met prosa en volwasse poësie. Ek sit brood op my tafel deur as vertaler en proefleser vir verskeie akademiese uitgewers te werk .

Gebruikers Aanlyn

4 Lede, 34 gaste aanlyn

Bydrae Totale