Welkom, Besoeker
Welkom, Besoeker

Titel: Maria Magdalena (‘n Verplasing)

Deur Francois Meyer
Datum gepubliseer: 10 September 2019 Aantal woorde: 107 188 Kere gelees 3

Mense ken my as ‘n hoer
en my suster dink ek’s mal.
“Sewe duiwels dans om my;
Here, ek het al weer geval.”

“Laat haar staan,” het Hy gesê,
“sy’t gekies om by My voete te lê.”

Hy het my opgetel en van vergifnis vertel.
My kruik het gekraak (soos my binneste)
en ek het vergeet om te vra
of hierdie sondaarshande
aan Iemand só heilig mag raak.

Die vlamme van my verlede
word met die reuk van nardusolie geblus
en ek vind rus met die kus van my hare
oor Sy gesalfde voete.

Sewe duiwels dans om my,
maar hulle wéét ek is nou vry.




TEMAS
3 Kommentaar
  1. Loretta Szikra

    11 September 2019

    Absolute stunning sterf skryfwerk hier Francois. Jy het jouself baie goed van jou taak gekwyt.

  2. Anze

    11 September 2019

    Pragtig, baie dankie vir jou bydrae tot die September 2019 projek

  3. Viooltjie

    11 September 2019

    Wow, puik gedig 😊

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 39
Kommentaar telling: 36

Francois is op 21 Januarie 1994 in Bloemfontein gebore. Hy was ‘n leerling aan die Hoërskool Fichardtpark en sy digkuns is reeds op skool geprys. Hy debuteer met Tempora Animus op 19-jarige ouderdom in 2013. Vandaar het hy Onder die Dekmantel(2015), Digtershart (2016) en Pendulum (2017) as digbundels vrygestel. Francois is ‘n kampvegter vir lupus en sy prosaboek, Die wêreld deur haar oë, was vir twee weke die topverkoper op Kobo Books in vyf kategorieë. Hierdie publikasie is ook in Engels vrygestel. In 2017 word hy as Ink Skryf in Afrikaans se rubriekskrywer van die jaar aangewys en verwerf ook ‘n tweede plek in die kategorie Digter van die Jaar. In 2018 ontvang hy ‘n Radio Rosestad Roostoekenning vir sy bydrae tot die Afrikanerkultuur.

Gebruikers Aanlyn

0 Lid, 55 gaste aanlyn

Bydrae Totale