Welkom, Besoeker
Welkom, Besoeker

Titel: Liewe Ouma

Deur Jessica Venter
Datum gepubliseer: 28 Januarie 2020 Aantal woorde: 164 73 Kere gelees 2

ek skryf vir ouma ‘n gedig
om dankie te sê
vir al die heerlike kuiers en etes
die gasvryheid in julle huis
was soos ‘n moskombers
en ouma se omgee
het menige se harte geraak
ouma se hande
het vir niks verkeerd gestaan
nes ‘n miertjie, altyd besig

vandag is ouma se plekkie leeg
en ouma se lag is vir ewig stil
die omgeeliefde wat ouma
so mildelik uitgedeel het
en elke verjaardag oproep
sal vir altyd onthou
en gekoester word
ja, ons harte is seer
en ons gaan met tye erg verlang
maar ons vier eerder ouma se vol lewe
as om te treur
en wanneer die hartseer te erg raak
kan ons deur die herinneringe blaai

dankie vir die spore
wat ouma ons harte agterlaat
dankie vir wie ouma was
en soos Riana se song sê
“Hou die hemel oop”
want eendag gaan ons saam
in die hemel dans

rus sag, liewe ouma
dis nie totsiens nie
maar net vaarwel

©Jessica Venter
28/1/2020




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 107
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Gebruikers Aanlyn

0 Lid, 65 gaste aanlyn

Bydrae Totale