Welkom, Besoeker
Welkom, Besoeker

Titel: Liefde Verloor

Deur Woordsmous
Datum gepubliseer: 23 Mei 2019 Aantal woorde: 116 166 Kere gelees 1

As liefde die siel sou verlaat,
is dit wat nou oorbly dan net apatie,
of is dit dalk haat?
As liefde vir dié een
die liefde vir dáái een laat kwyn,
was dit ware liefde, of liefde geleen?

Waar bloed nie kan loop nie
daar kruip dit, is wat hulle sê,
maar as die bloed dan gestol het
en net in droë plasse bly lê,
is die loop en die kruip nou vergete
en die liefde wat is word die liefde wat was
en die drome en vreugde verdwyn
en die sekerheid minder as net ‘n vae wete
want die liefde wat warm was nou,
verdwyn en verdof soos ryp in die kou…

©Anton Bosch 23/05/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 110
Kommentaar telling: 43

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Gebruikers Aanlyn

0 Lid, 69 gaste aanlyn

Bydrae Totale