Welkom, Besoeker
Welkom, Besoeker

Titel: Liefde is vir die voëls

Deur Viooltjie
Datum gepubliseer: 25 April 2016 Aantal woorde: 137 1112 Kere gelees 4

dis die sout op haar lippe
dis die sout oor haar wang
en sewe pelikane
wat bo Saldanhabaai hang

dis die daisies aan die voet van die grys klipkrans
en die witkruisarend wat oor die veld swerfdans

dis die wolke in die hemel
dis die wit teen die blou
en ooievaars wat koers
verby Darling hou

dis Jan se skuit voor die water op die land
dis die meeu in die mis wat sweef oor die sand

dis die wasgoed op die lyn
wat in die weswind wieg
en swaweltjies wat t’rug
vanuit die noorde vlieg

dis by Langebaan waar die wind so waai
oor die meer by die strand vlieg ‘n witborskraai

dis die sout op haar lippe
dis die traan oor haar wang
en nog een pelikaan
wat bo die Postberg hang

C. Shaw
9 September 2015




TEMAS
3 Kommentaar
  1. neels

    25 April 2016

    Carma dit is n pragwerk

  2. Kiekies

    25 April 2016

    dis die sout op haar lippe
    dis die traan oor haar wang
    Nog ‘n prag-gedig
    Wat nou aan my verbeelding hang!

  3. Amaspoke

    25 April 2016

    Pragtige skrywe, ek stem saam met Kiekies

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 344
Kommentaar telling: 915

Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat ek te sê het, en dat julle lekker saam sal lees :-)

Gebruikers Aanlyn

3 Lede, 133 gaste aanlyn

Bydrae Totale