Welkom, Besoeker
Welkom, Besoeker

Titel: leier

Deur Tearlach
Datum gepubliseer: 9 Junie 2019 Aantal woorde: 164 44 Kere gelees Hou van

op my duin is daar eenheid
eenheid van gees oor vele dinge
die natuur se prag en grootheid
die uitspansel se oneindigheid
mensdom se ongelowigheid

ver oor die see broei daar wolke
binne dae gaan daar weer reën kom
alles het tyd en plek in Sy skepping
Hy neem volle leierskap daarvan
hoekom, mens is jy ongelowig

diere van die veld weet wat kom
voëls bou neste en maak dit digter
bokkies skrop droë holtes onder fynbos
wind het woes gestorm deur die nag
mense gaan aan soos altyd tevore

wanneer die lug begin donker word
gaan buie reën begin uitsak en versprei
alles verstil voor Sy oneindige wysheid
water sak weg en begin strome maak
maar mens soek na nog argumente

oor die velde lê mistige vrede en groei
soveel seën uitgedeel wat almal kan deel
rus en vrede behoort nou volop te wees
maar onder brom die barbaarse drom
mens soek steeds na hul leier: Hom

©Teárlach




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 547
Kommentaar telling: 75

Gebruikers Aanlyn

0 Lid, 109 gaste aanlyn

Bydrae Totale