Welkom, Besoeker
Welkom, Besoeker

Titel: Leë beloftes

Deur Loretta Szikra
Datum gepubliseer: 29 Oktober 2020 Aantal woorde: 93 40 Kere gelees 1

Warm toegewoel
op ’n laslappiestoel
het ek deur geslote luike
(deur mistige koue)
wat my wou-wou omvou
na die flambojant gestaar
wat sy takke daarbuite
so ietwat astrant
teen my skoon ruite skraap;
terwyl dit op die monotoniese gesuis
van ’n koggelwind
wat fluister-roep na reën
soos oumanslitte kraak.

Maar, net soos die wind gekom het
het sy haar rug weer gedraai
om wolke vol beloftes
die dorre randjies in te waai;
tot waar dit leweloos
oor die klipheuwels hang
en ek hier deur my venster
net die laaste asem daarvan vang.




TEMAS
1 Kommentaar
  1. Anze

    4 November 2020

    Pragtig, baie dankie vir jou bydrae tot die Oktober 2020 – OOP-projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 137
Kommentaar telling: 212

Gebruikers Aanlyn

1 Lid, 61 gaste aanlyn

Bydrae Totale