Welkom, Besoeker
Welkom, Besoeker

Titel: Laslappie liefde

Deur Jessica Venter
Datum gepubliseer: 14 Oktober 2019 Aantal woorde: 82 40 Kere gelees 2

in jou growwe hande
hou jy die genade garing
waarmee jy saggies teer
my gebroke hart heelmaak
elke stekie
is versigtig deurgetrek
en nou is ons harte
vir altyd
aanmekaar geweef

met my trane
werk jy hooptoiings vas
om die laslappies van onthou
waar jou woorde my sielsrepe vasknoop
en ek krag put uit jou sterkte

wanneer die lewe ons uitrafel
kan ons mekaar
met ons laslappie liefde toemaak
want dis hier waar ons rustig word
saam staan ons sterker

©Jessica Venter
8/10/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 89
Kommentaar telling: 4

Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

Gebruikers Aanlyn

4 Lede, 115 gaste aanlyn

Bydrae Totale