LAAT-LENTE ALLEEN

“Ek het lank gesoek, om myself in jou te vind”

Sag sluip sy deur jou are
drup, drup saam jou jare
tussen lewe en dood
bewe haar asem
lewend oor jou lyf
sy weet dis soms verkeerd
om eg te wees
veral wanneer haar hande
verkeerdom soek na jou siel
en laat-lente ‘n onvanpaste winter baar

terwyl jou mond om haar lippe vou
wonder sy weer waar steek jy jou wilskrag weg
of is dit jou manier
om deur die dampe van haar hart te daal
die ompaaie skrep te sny
soos daardie dae
toe jy nog in alles eerste kon wees

en dan swyg sy weer
met haar alleen skoot
van eenwees
reg deur die kop

© 2019 Caren Kearley
Kopiereg voorbehou

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag