krit les
klein kindertjies sit voor my
met groot oë bekyk hul my
jonk en onervare student
moet intree toespraak maak
neëntien vier en sestig is dit
voor standerd een kinders
voel ek my pad na ‘n krater
om hul te vertel van ons taal
vir hulle is ek ‘n groter boetie
slegs twintig geword en groen
nader aan ‘n krater was ek
as die res van my jong lewe
opgelei om seuns te leer
hoe om hout te kan saag
later sou ek dit onthou
wat dosent se krit was
kyk in hulle ogies man
vertel hul dit asof jy glo
dit het my altyd by gebly
niemand sal hou daarvan
as jy net bo-oor hulle kyk
©Teárlach
Maak 'n opvolg-bydrae
Jy moet aangemeld wees om 'n kommentaar te plaas.