Krismis

asblikke versier met Kersfeespapier
Kersete met koekstruif en kersies reeds vergete
kers-speelgoed stukkend op die grond
lê oral rond…
Kersgesigte weggepak in laai en rak
tot volgende jaar
elkeen het terug gekeer na sy eie seer
waaruit ons nie kan ontsnap
wat aan ons hakskene bly hap
die nuwe jaar en altyd deur
Kersfees is verby…
tot volgende keer
nou is dit net weer ek
ek alleen met my hartseer hart
terwyl pa stry en ma baklei
onder die uitgerafelde krismisboom