Welkom, Besoeker
Welkom, Besoeker

Titel: Koperwaskom

Deur Amaspoke
Datum gepubliseer: 14 Mei 2019 Aantal woorde: 117 30 Kere gelees 2

Daar is ‘n koperwaskom met voetstuk,
die water daarbinne is ‘n mistige spieël;
dit vertoon beelde van ‘n eensaam siel
wat waansinnig worstel, hy is verskrik.

Hy twyfel en dwaal in ‘n eensaamheid,
pyn is sigbaar op sy verwronge gelaat;
die siel voer ‘n stryd, versmoor in haat,
omring deur satan-gesange se geluid.

Pynlike herinneringe bly aan hom kleef,
in sy diepste wese herken hy die goeie;
wyl swakheid homself vertoon in dade,
om eindelik sonder geluid weg te sweef.

Engele dans rond in sirkels, al om hom,
die lig van Sy liefde is wat hulle aanroer;
hy is gered, die Regter se wil uitgevoer
en hulle wandel saam onder in die son.

04/05/2019 © C. du Plessis




  • TEMAS

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 61
    Kommentaar telling: 129

    Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms.Ek het vandat ek by Ink aangesluit het reeds 2 bundels (Dubio en Askuus) die lig laat sien en van my werk is geplaas in Brose Genade, 'n bundel wat in 2015 deur Anze Bezuidenhout saamgestel is vir KANSA, en in Inkspraak, 'n bundel wat in 2017 die lig gesien het.  Ek is tans besig met 'n derde bundel.

    Gebruikers Aanlyn

    2 Lede, 2,846 gaste aanlyn

    Bydrae Totale