Welkom, Besoeker
Welkom, Besoeker

Titel: Klaradyn, Klaradyn kom dans met my

Deur Woordsmous
Datum gepubliseer: 4 Julie 2019 Aantal woorde: 118 279 Kere gelees 3

Klaradyn, Klaradyn kom dans met my
as ons saam in ‘n wals oor die dansvloer gly,
want jy’s my Pollenys, my lieflike ding
oor wie ek elke dag so vrolik sing.
Vir jou is ek die witborskraai
wat vlieg tot daar by Mosselbaai,
as die volmaan skalks deur die wolke loer
word ons saam na ‘n paradys gevoer…

‘n Handvol rosies gee ek jou,
rosies blink met môredou,
as jou mond vir my lag
in die stil van die dag,
want ver op die velde, waar die son altyd skyn
is jy die mooiste nooientjie, veel soeter as wyn,
so dans met my Klaradyn, Klaradyn
wyl die note klink en die son helder skyn!

©Anton Bosch 04/07/2019




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 117
Kommentaar telling: 42

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Gebruikers Aanlyn

0 Lid, 55 gaste aanlyn

Bydrae Totale