Welkom, Besoeker
Welkom, Besoeker

Titel: Kerswens vir die wêreld

Deur Loretta Szikra
Datum gepubliseer: 27 Maart 2018 Aantal woorde: 161 492 Kere gelees 2

O Heer…
voor nog ʼn jaar finaal
verspil deur ons vingers val –
wens ek nederig vir U te vra,
om die wêreld heel te maak
en dat vrede en vergifnis
in ons harte sal ontwaak

Maak ons langs die vyand
om dieselfde vuurtjie sit –
dat ons saam op ons knieë
vir wysheid en regverdigheid sal bid

Al lyk die lewe ook hoe donker –
laat ons elke ligspikkel daarin sien
soos sonskyn in ʼn kinderhart
vol sprankelende onskuld
vreesloos sonder smart

*
Ag Here,
laat ons soos klei in U hande
vorm na U wil
laat die mensdom
se waansin en vyandigheid
soos ʼn soutpilaar versteen
en vér agter ons verstil

En hier, waar ek bakhand op my knieë
vir ʼn laaste aalmoes vra –
bid ek dat U elke donker nag
wat skree na lewensvrede
(dié wat nog sluimer en elke nag daarna)
met maagdelike heiligheid
en stilte aan sal raak.

©Loretta Szikra
20171217/Pendoring 9/Pastiche digvorm
met apologie aan Carma Shaw




TEMAS
1 Kommentaar
  1. Anze

    28 Maart 2018

    Pragtig, baie dankie vir jou bydrae tot die Maart 2018 – Digkuns projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 129
Kommentaar telling: 215

Gebruikers Aanlyn

4 Lede, 96 gaste aanlyn

Bydrae Totale