Welkom, Besoeker
Welkom, Besoeker
Verwys na kategorie

Oktober 2018 projek

Beste INKers

Hierdie maand wil ek julle initiatief toets.

Opdrag soos volg:

DIGTERS:
Skryf ‘n gedig oor enige onderwerp maar in ‘n digvorm waarvan jy nog nooit voorheen as publikasie op INK gebruik gemaak het nie. Vryeverse, by definisie word dus uitgesluit tensy jy nog NOOIT een op INK geskryf het nie. Die basiese digreëls is van toepassing. Toon aan (tussen hakies), aan die einde van jou gedig van watter digvorm jy gebruik gemaak het.

VERHAALSKRYWERS:
In Oktober 1908, het die eerste Model T Ford op die mark gegaan. Skryf ‘n vonkverhaal in minder as 400 woorde in ‘n verbeeldingsreis asof jy een van die kopers was van een van die eerste Ford motors. Dit mag in enige genre (komies of nie) aangebied word.

ARTIKELSKRYWERS:
In Oktober 1863, proklameer Lincoln die laaste Donderdag in November as “Dankseggingsdag” in Amerika. Skryf ‘n artikel (onthou ‘n artikel is feitlik) oor die ontstaan, motivering en gebruike van hierdie dag. 400 woorde maksimum.

RUBRIEKSKRYWERS:
In Oktober 1181 is St. Francis van Assisi gebore. Hy stig die Orde van Franciscus en leer en filosofeer oor verskeie gedagtes. Skryf ‘n rubriek (onthou ‘n rubriek is ‘n persoonlike mening of aanslag) oor wat jy dink die deurslag van sy leringe was en hoe jy daarmee saamstem of verskil. 400 woorde maksimum.

GORRELSKRYWERS:
Gee ‘n opinie oor die werksaamhede en wyse waarop opdragte in die projekte voorgestel word. Gebruik ook die geleentheid om voorstelle te maak oor moontlike tema’s vir die toekoms. 400 woorde maksimum.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots!
Skryf in Afrikaans want die taal lewe.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

Hunkering

Deur Datum gepubliseer: 27 Oktober 2018 2

(Goud)

Sou ek vanaand een droom kon droom
sou dit rus wees naas ’n doringboom
– een wat haar takke wyd laat kroon.
Sou ek vanaand een droom kon droom
voor ek oplaas van hier verhuis –
droom ek ’n melkweg en ’n suiderkruis.
Sou ek vanaand een droom kon…

Huweliksboot

Deur Datum gepubliseer: 23 Oktober 2018 2

Blosend bestyg ons die huw’liksboot,
ons ewigdurende skemerkelk-droom
wat gou ‘n hersenskim word en nie skroom
om skewe verwagtings van harte te bloot.

Dit voel my jy’s by bak- en ek by stuurboord
soms ruik ek net jou skeerroom op die dek
mis hoe ons lywe die huwelik voltrek

Metronoom

Deur Datum gepubliseer: 21 Oktober 2018 4

smart – is ‘n metronoom
wat maat vir maat die siel wegslyt
met elke slag die hart verloën
smart – is ‘n metronoom
‘n ongenaakbare monotoon
tik-tak-tik, sonder selfverwyt
smart – is ‘n metronoom
wat maat vir maat die siel wegslyt

(Triolet)

Gebruikers Aanlyn

1 Lid, 30 gaste aanlyn

Bydrae Totale