Welkom, Besoeker
Welkom, Besoeker
Verwys na kategorie

Oktober 2018 projek

Beste INKers

Hierdie maand wil ek julle initiatief toets.

Opdrag soos volg:

DIGTERS:
Skryf ‘n gedig oor enige onderwerp maar in ‘n digvorm waarvan jy nog nooit voorheen as publikasie op INK gebruik gemaak het nie. Vryeverse, by definisie word dus uitgesluit tensy jy nog NOOIT een op INK geskryf het nie. Die basiese digreëls is van toepassing. Toon aan (tussen hakies), aan die einde van jou gedig van watter digvorm jy gebruik gemaak het.

VERHAALSKRYWERS:
In Oktober 1908, het die eerste Model T Ford op die mark gegaan. Skryf ‘n vonkverhaal in minder as 400 woorde in ‘n verbeeldingsreis asof jy een van die kopers was van een van die eerste Ford motors. Dit mag in enige genre (komies of nie) aangebied word.

ARTIKELSKRYWERS:
In Oktober 1863, proklameer Lincoln die laaste Donderdag in November as “Dankseggingsdag” in Amerika. Skryf ‘n artikel (onthou ‘n artikel is feitlik) oor die ontstaan, motivering en gebruike van hierdie dag. 400 woorde maksimum.

RUBRIEKSKRYWERS:
In Oktober 1181 is St. Francis van Assisi gebore. Hy stig die Orde van Franciscus en leer en filosofeer oor verskeie gedagtes. Skryf ‘n rubriek (onthou ‘n rubriek is ‘n persoonlike mening of aanslag) oor wat jy dink die deurslag van sy leringe was en hoe jy daarmee saamstem of verskil. 400 woorde maksimum.

GORRELSKRYWERS:
Gee ‘n opinie oor die werksaamhede en wyse waarop opdragte in die projekte voorgestel word. Gebruik ook die geleentheid om voorstelle te maak oor moontlike tema’s vir die toekoms. 400 woorde maksimum.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots!
Skryf in Afrikaans want die taal lewe.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

Oktober 2018 projek: uitslae en kommentaar

Deur Datum gepubliseer: 9 November 2018 1

UITSLAE:
Gedigte:
GOUD:           1ste.  Jou voetspore bepaal – Anzé Bexuidenhout
2de.  Hunkering – Carma Shaw
3de.  Droomspore – Anzé Bezuidenhout
SILWER:      1ste.  Reën in die Groot Karoo – Estelle Rubow
2de.  Persiese kwatryne – Estelle Rubow
BRONS:        1ste.  Mensboom – Charleine Collins
2de.  Tetactrys struktuur – Adéle
3de.  Kartonbord van ‘n bedelaar –…

Oor Northpine vlieg ’n kolgans

Deur Datum gepubliseer: 31 Oktober 2018 1

(goud)

Aan die einde van die winter
as donker wolke vir ’n wyle wyk
en lentebeloftes in die lug rondwaai,
kom staan ek hier op varinghoogtes
vanwaar ek oor my wêreld heen kan kyk.

Elke jaar, aan die einde van die winter
(tussen gras en bos wat drup van dou)
wonder…

Sterflikheid

Deur Datum gepubliseer: 31 Oktober 2018 1

onkeerbaar krimp en swel die maan
die grafwaartse kronkel van ons lewenspad
onderhou deur ‘n God van liefde wat
onkeerbaar krimp en swel die maan
wat berei vir ons die hemelse stad
wyl ons in ootmoed voor hom staan
onkeerbaar krimp en swel die maan
die grafwaartse kronkel van ons lewenspad
(triolet)

Gebruikers Aanlyn

0 Lid, 42 gaste aanlyn

Bydrae Totale