Welkom, Besoeker
Welkom, Besoeker
Verwys na kategorie

November 2019 projek – Laat-lente

Beste INKers,
Wat ‘n aangename voorreg om weer by INK as Moderator betrokke te wees. Na ‘n Sabbatsreis van ‘n paar maande is die gees versterk en sien ek uit om weer by julle wonderlike kuns betrokke te raak.
Aangesien ons by die voorlaaste maand van die jaar is, is die projek tema hierdie maand “Laat-lente”.

Al die kategorieë moet dit as tema gebruik.
1. DIGTERS: Skryf ‘n 16 lyn, 4 strofe gedig.
Geen voorskrifte oor rympatrone.

2. VERHAALSKRYWERS:
Skryf ‘n liefdesstorie met die bogenoemde tema.
800 – 1200 woorde.
Dui woord telling aan.

3. RUBRIEK/ARTIKELSKRYWERS:
Gebruik die tema.
Nie meer as 800 woorde nie.

4. GORRELS:
Gebruik die tema.
Minder as 800 woorde.

Dit gaan ‘n voorreg wees om weer aan julle uitsonderlike talent te deel.

Afrikaanse groet
INKMODERATOR

*ONTHOU SLEGS 2 INSKRYWINGS PER AFDELING PER LID ASB. ELKE LID MOET OOK ASB SY STERGRADERING VIR ONS DEURGEE AAN DIE BOKANT VAN SY/HAAR PUBLIKASIE ASOOK DIE WOORDETAL VAN JOU PUBLIKASIE INDIEN DIT NIE N GEDIG IS NIE
REëLS

Uitslae sal van nou af 30 dae ná afsnydatums op Ink beskikbaar wees. Ons het hierdie besluit geneem omrede die Ink-moderators met beperkte tyd hierdie splinternuwe diens aan Ink-lede lewer.

Laat lente

Deur Datum gepubliseer: 30 November 2019 3

Jy bars uit jou nate;
baldadige uitbarsting van kleur
uitspattig en oordadig
wonderskoon in volle fleur.

‘n See van oorvloed,
onbeheers; oorrompelend.
Jy sleur my mee en ek staar
oopmond; bewonderend

na die polsende skoonheid;
die volheid en volmaaktheid
wat jy voortbring; die wonder
van die skepping in sy volheid.

Hoog bou…

Draaibos

Deur Datum gepubliseer: 28 November 2019 2

Laat lente het ‘n draaibos haar takke grondwaarts gebuig
dit opgeswier met trossies bloupienk blom en blink blare
asof sy die lente wou nadertrek, en verlaas bemin –
o, laat my liefde nog één dag wees!

Diep teen die hellings trap haar suiers, oor die vlaktes
verby die skalie…

Laat-lente

Deur Datum gepubliseer: 26 November 2019 1

Sak en pak,
(met ‘n see vol blare,
‘n hand vol kleur)
groet somber Winter ons.

Met lang vingers streel
hy die gras en laat dou
druppel soene agter
as ‘n gedagte van hom.

Die kleurgestroopte takke
lag hom uit
want hy’t gevat sonder vra,
langer gebly…

Gebruikers Aanlyn

5 Lede, 78 gaste aanlyn

Bydrae Totale