Welkom, Besoeker
Welkom, Besoeker
Verwys na kategorie

November 2018 projek

Beste INKers

Hierdie maand, so naby aan die einde van die jaar, is meeste vuisvoos. Poësie en Prosa kan egter as goeie ontvlugting dien. Wel, dit is wat ons met hierdie projek gaan probeer bemeester: ‘n virtuele woordereis deur die wêreld.

DIGTERS:
Skryf ‘n gedig, in enige vorm, sonder voorskrifte oor lengte, tipografie of styl, oor jou gunsteling stad in die wêreld. Dit hoef geensins ‘n metropool te wees nie. Selfs jou gunsteling klein Suid Afrikaanse dorpie in die platteland. Solank jy jou gedig gebruik om behoorlik te motiveer waarom dit jou gunsteling sou wees.

VERHAALSKRYWERS:
Skryf ‘n verhaal met die onderwerp: “Antie Koot van Koffiefontein”. Jou verhaal kan ‘n ander titel hê, maar die onderwerp moet beskryf word. Jou verhaal kan komies of andersins wees. Nie meer as 1500 woorde nie. Merk asseblief die woordtelling in hakies langs jou titel.

ALGEMEEN / GORREL:
Skryf ‘n opiniestuk oor die funsionaliteit (of gebrek aan) dienslewering in jou dorp. Nie meer as 1500 woorde nie. Merk asseblief die woordtelling in hakies langs jou titel.

ARTIKEL:
Skryf ‘n artikel oor goeie, getoetsde idees vir die opknapping en bestuur van ‘n skoon stad. Sien byvoorbeeld idees soos Kigali in Rwanda. Nie meer as 1500 woorde nie. Merk asseblief die woordtelling in hakies langs jou titel.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots!
Skryf in Afrikaans want die taal lewe.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

Wanneer dit reën in Parys

Deur Datum gepubliseer: 28 November 2018 2

Wanneer skugter kaleidoskoop klanke
met sysagte sonstrale om hoop dans
reis ek so graag tussendeur gister en vandag
se nou spasies saam met tyd en sy gesange
tot in Parys en haar warm reën nagte

skuins voor oggend melodieë toesak
met tortels wat ‘n stad ontwaak
en my fyn geflenterde…

Ontvlugting

Deur Datum gepubliseer: 28 November 2018 9

Neem my op reis
na Normandië,
waar kobaltblou branders
breek oor wit strande.
Kom ons hardloop
deur rooi papawerlande;
waar heuwels hang
aan die Franse son.
Ons oes die geure
van die noorde;
vermy die stede!

En later swerf ons
tussen Vincent se stêrre
tot by Arles, in die suide.
Ons baljaar in weerbarstige
kleure van die aarde;
kuier by boere;
Voer mekaar groen olywe…
Klink ‘n…

Brakpan, my plek

Deur Datum gepubliseer: 28 November 2018 21

As mens in Brakpan bly
dan word dit jou plek
ons verdra die draakstekery,
dit hou ons op die map!

Pragtige dorp met aller tipe mens
Grênd, kens of trens
Maar ken jou plek, jou maniere
Wees beleefd, deel jou biere

Groen gras, struike en palm bome
sierlike ou…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 98 gaste aanlyn

Bydraes – Argief