Welkom, Besoeker
Welkom, Besoeker
Verwys na kategorie

November 2018 projek

Beste INKers

Hierdie maand, so naby aan die einde van die jaar, is meeste vuisvoos. Poësie en Prosa kan egter as goeie ontvlugting dien. Wel, dit is wat ons met hierdie projek gaan probeer bemeester: ‘n virtuele woordereis deur die wêreld.

DIGTERS:
Skryf ‘n gedig, in enige vorm, sonder voorskrifte oor lengte, tipografie of styl, oor jou gunsteling stad in die wêreld. Dit hoef geensins ‘n metropool te wees nie. Selfs jou gunsteling klein Suid Afrikaanse dorpie in die platteland. Solank jy jou gedig gebruik om behoorlik te motiveer waarom dit jou gunsteling sou wees.

VERHAALSKRYWERS:
Skryf ‘n verhaal met die onderwerp: “Antie Koot van Koffiefontein”. Jou verhaal kan ‘n ander titel hê, maar die onderwerp moet beskryf word. Jou verhaal kan komies of andersins wees. Nie meer as 1500 woorde nie. Merk asseblief die woordtelling in hakies langs jou titel.

ALGEMEEN / GORREL:
Skryf ‘n opiniestuk oor die funsionaliteit (of gebrek aan) dienslewering in jou dorp. Nie meer as 1500 woorde nie. Merk asseblief die woordtelling in hakies langs jou titel.

ARTIKEL:
Skryf ‘n artikel oor goeie, getoetsde idees vir die opknapping en bestuur van ‘n skoon stad. Sien byvoorbeeld idees soos Kigali in Rwanda. Nie meer as 1500 woorde nie. Merk asseblief die woordtelling in hakies langs jou titel.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots!
Skryf in Afrikaans want die taal lewe.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

November 2018: Dorp/Stad Projek Uitslae en Kommentaar

Deur Datum gepubliseer: 17 Desember 2018 3

November Projek: Stede / Dorpies
GEDIGTE WENNERS:
GOUD:

(1) Strandfontein: Carma Shaw
(2) Sag soen die Nylstroomson: Anzé Bezuidenhout
(3) Philidelhia: Carma Shaw

SILWER:

(1) Soektog: Caren Kearley
(2) Wanneer dit reën in Parys: Caren Kearley
(3) Riebeek-Wes: Caren Kearley

BRONS:

(1) Moria: Charleine Collins
(2) Woordeloos Verloof: Marieta McGrath
(3) Ontvlugting: See-Jay-El

GEDIGTE KOMMENTAAR:
1. Woordeloos verloof: Marieta McGrath
Die kere, waar ek stom…

Herinneringe oor Pofadder

Deur Datum gepubliseer: 1 Desember 2018 5

Jou bordjie staan teen die pad,
Pofadder… verbleik en geroes,
pryk jou naam waar my siel by jou poorte moes
verkrummel het in jou voetloop se roep
en nie kon verouder in jou stofstrate van toe.

My oë kuier ‘n bietjie by die Pophuis verder op in Skool Straat
waar…

Philadelphia

Deur Datum gepubliseer: 30 November 2018 7

(goud)

Philadelphia

In ’n kamer in die Blikhuisie
wag daar ’n vulpen en papier
en ’n posbus wat verlangbriewe
reguit hemel toe kan stuur.

Is daar nog ’n plek aarde
wat so klein is van gestalte,
maar tog so groot van gees;
wat midde veld en koringlande
’n baken van die hoop…

Gebruikers Aanlyn

0 Lid, 148 gaste aanlyn

Bydrae Totale