Welkom, Besoeker
Welkom, Besoeker
Verwys na kategorie

Maart 2019 Projek

Beste Inkers

Met hierdie projek gaan ek vereis dat julle dink-hoede op sit.

Ons gaan in Maart stoei met die term: Intertekstualiteit.
Intertekstualiteit is doodeenvoudig net om nuwe betekenis te verleen aan ‘n reeds geskrewe teks.
Slaan die volle omskrywing daarvan ná om seker te maak jy verstaan dit vóór jy jou skrywe aanpak.

DIGTERS:
Identifiseer ‘n reeds gepubliseerde Afrikaanse gedig en skryf jou eie deur van Intertekstualiteit gebruik te maak.

Reëls:
1. Die aantal lyne en vorm van jou vers mag NIE verskil van die bronteks nie;
2. Jy MOET die bronteks saam jou plasing insluit. Onthou om melding te maak van wie die outeur is;
3. Jy moet twee oorspronklike neologismes skep vir jou vers en dit onderaan jou vers aandui. Jy mag die definisie daarvan ook meld maar dit is nie ‘n vereiste nie;
4. Jy mag enige bronteks gebruik solank dit in Afrikaans geskryf is.

VERHAALSKRYWERS:
Vind jou gunsteling kinderverhaal en gebruik dit as bronteks om ‘n eiesoortige weergawe daarvan te skryf. Name van karakters kan verander, die storielyn moet anders word, maar, die leser moet steeds kan identifiseer watter bronteks gebruik is.

ARTIKELS:
Skryf ‘n artikel oor die belangrikheid van diverse menings in die samelewing en waarom dit belangrik sou wees dat nuwe idees ontwikkel word om en oor ou geskrifte.

RUBRIEKE:
Gebruik die menings van enige filosoof, sielkundige ens. en ontwikkel jou mening daarom.
Maak genoegsame verwysing na die persoon en sy/haar stellings sodat jou leser die draad van jou eie mening kan volg.

GORRELS:
Verduidelik waarom dit belangrik vir jou is om jou eie oortuigings te laat uitdaag, al dan nie.

Dit is ‘n heerlike taak hierdie maand en daarom hoop ek soveel moontlik sal hieraan deelneem.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots! Skryf in Afrikaans, dit het vlerke.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

Winterliefde

Deur Datum gepubliseer: 22 Maart 2019 Hou van

Winterliefde (met erkenning aan Winternag – Eugene Marais)
O koud is jou liefde
en kaal.
My rolbos haak
seer aan jou kraal.
Dit is dood soos winterboomtakke
en leeg soos weggooistreepsakke.
Jou hart is weggooitrui verrek.
In jou sagpraatstem se bekende plek
maalkolk die pyn
wat my in ‘n…

Afrika-pyn

Deur Datum gepubliseer: 22 Maart 2019 Hou van

Afrika-pyn
Ons strompel deur Afrika-stowwe,
ons breek, ons skend en verwond –
ons geskiedenis rus swaar op ons skowwe
waar ons leef op rooi Afrika-grond.

Ons haat klink teen Afrika-kranse,
ons vloek en ons skree en ons raas.
Ons skuil agter self-opgerigte skanse,
staar blind deur ‘n rassehaatwaas.

Die Afrika-son skyn…

SKEMERMENSE

Deur Datum gepubliseer: 21 Maart 2019 1

SKEMERMENSE

Bymekaarmaak-klik van wol en penne
buigend krom oor kieries,
versamel soos swaels
voor die winter, of net na reën
en kry hul koers,
tydsaam haasloos
Tokke-tokke, skuifel-skuifel
elk na sy eie vier-muur nes,
eensaam klink ‘n kreun of kug
die nag daal skemersag
steek viervoet voor die gange vas

INK E-formaat tydskrif

Gebruikers Aanlyn

1 Lid, 46 gaste aanlyn

Bydrae Totale