Welkom, Besoeker
Welkom, Besoeker
Verwys na kategorie

Maart 2018 – Digkuns projek

In 1999 verklaar UNESCO die 21ste Maart as Internasionale Digkunsdag. In hul oorspronklike verklaring merk hulle dat dit ‘n “vars erkenning en ‘n besonderse impetus sal gee aan nasionale, distriks- en internasionale digkuns.”

Dit is dus ‘n besonderse voorreg en selfs meer ‘n belangrike plig op die skouers van elke digter om in sy eie taal en wyse ‘n bydrae te maak tot die digterskat.

SLEGS 3 INSKRYWINGS PER AFDELING PER LID ASSEBLIEF

Digters:
Hierdie maand, in erkenning aan die Internasionale Digkunsdag is jou opdrag om ‘n treffer gedig, uit jou hart en jou taal te skryf.
Daar is GEEN voorskrifte nie, want, soos die viering van hierdie dag aandui moet dit erkenning gee aan jou eie stem

Skrywers:
Skryf ‘n fiktiewe verhaal oor die invloed van digkuns op die kunste. Jou verhaal kan enige tema beslaan maar moet verwysings maak tot die besondersheid van digkuns, op welke manier ookal..

Rubriekskrywers:
Doen bietjie navorsing en skryf ‘n rubriek oor enige digter. Dit hoef nie Suid-Afrikaanse digters te wees nie, al sou dit heerlik wees om ‘n rubriek te lees van Afrikaanse digters, sal jy nie gepenaliseer word indien dit buite die grense van Suid-Afrika val nie.

Laat die woord rol – Skryf in Afrikaans

Skryf in Afrikaans en bevry jouself.
Ink Projekbestuurder.

Skedelkus

Deur Datum gepubliseer: 29 Maart 2018 Hou van

in ‘n oer en vreemde land
op ‘n afgeleë verlate strand
soekend na vergane skepe
– net nog dryfhout in die sand –
skedel skulp en seewier in die son
kaats lig in pers en perlemoen
en aan ‘n soutlagune se soom
lê die karkas van ‘n kormorant

waar heuwels…

Moederland

Deur Datum gepubliseer: 28 Maart 2018 3

O land van my geboorte –
my voete is geanker aan jou grond.
My vingers is verstrengel in jou gras;
my gees dwaal oor jou vlaktes rond.
My siel –
my siel sit in jou klowe
en binne skeure
in jou berge vas.

Ek hunker ewig na jou son,
jou…

Kerswens vir die wêreld

Deur Datum gepubliseer: 27 Maart 2018 2

O Heer…
voor nog ʼn jaar finaal
verspil deur ons vingers val –
wens ek nederig vir U te vra,
om die wêreld heel te maak
en dat vrede en vergifnis
in ons harte sal ontwaak

Maak ons langs die vyand
om dieselfde vuurtjie…

Gebruikers Aanlyn

1 Lid, 34 gaste aanlyn

Bydrae Totale