Welkom, Besoeker
Welkom, Besoeker
Verwys na kategorie

Februarie 2019 projek – TYD

Beste INKers

Ons is al voorwaar weer in die 2de maand van 2019, en dit wil blyk asof tyd vir niemand stilstaan nie.

Ons gaan dus die “uurglas” as tema in hierdie maand se projek aanpak.

DIGTERS:
Skryf ‘n gedig met uurglas as tema.
REËLS VIR DIE GEDIG:
1. Geen rym voorskrifte nie
2. Die titel hoef nie Uurglas te wees nie, maar dit moet streng tematies wees
3. Ondersoek nuwe en opwindende woorde en idees.

VERHAALSKRYWERS:
Skryf ‘n verhaal oor die onderwerp. Daar is geen woord telling voorskrifte nie.

ARTIKELSKRYWERS:
Doen bietjie navorsing en skryf ‘n artikel oor die ontstaan en geskiedenis van die uurglas.

RUBRIEKSKRYWERS:
Skryf ‘n meningstuk oor die kosbaarheid van tyd.

GORRELSKRYWERS:
Spoel jou mond oor hoe sekere mense, winkels en staatsdepartemente onnodig tyd verkwis. Probeer ook ‘n oplossing voorstel.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots! Skryf in Afrikaans, dit het vlerke.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

Môre se pad

Deur Datum gepubliseer: 28 Februarie 2019 3

As ek my môres kon mooimaak
in nou se hart
sou ek eers wag tot ons dryfsand
stilraak in die uurglas;
sodat ek net een heel korrel
van daardie aand kan verewig
voordat jou halfsirkels my toegroei
en ek vergete in jou verlorenheid val

ek sou tyd nie toelaat
om…

Korrels

Deur Datum gepubliseer: 28 Februarie 2019 5

Die oppervlak van hierdie uur
het binne haar oopgebars
en alles wat in haar rondgedryf het,
het na buite gespoel
haar lag, haar leed, haar liefde,
sewe trane en ‘n halwe hart
(jy was ook daar)
met koue vingers
het sy die flenters
op ‘n hoop geskraap
een-vir-een die…

Verraai

Deur Datum gepubliseer: 28 Februarie 2019 3

hoe verlos ek my van jou?
hierdie katarsis
wat nerf teen soet herinneringe,
die kou wat kerf deur stiltes
en rou –
die durende besef:

vir ewig verraai
deur tyd,
wat nimmer terug kan draai

©Erika Viljoen (Silwer)

Gebruikers Aanlyn

0 Lid, 46 gaste aanlyn

Bydrae Totale