Welkom, Besoeker
Welkom, Besoeker
Verwys na kategorie

Desember 2018 projek

Beste INKers

Desember het ons getref soos ‘n hamer teen ‘n aambeeld.

Ek wou nog altyd die onderwerp “laaste strek en einde” ondersoek in die dig- en skryfkuns. Dit mag dalk net die regte tyd hiervoor wees.

DIGTERS:

Die tema is slegs ‘n voorstel as konsep en is nie bedoel om jou titel te weerspieël nie. Skryf ‘n vryvers (rymloos) oor die tema. Daar is geen verdere voorskrifte nie. Maak die leisels los en bederf ons met jou talent.

VERHAALSKRYWERS:

Ons sien min sporttema stories op INK. Gebruik die onderwerp en skryf ‘n sportstorie. Daar is geen verdere voorskrifte nie. Laat jou talent ons betower.

RUBRIEKSKRYWERS:

Skryf ‘n rubriek oor die laaste strek voor ‘n doel bereik word.

ARTIKELSKRYWERS:

Skryf ‘n artikel oor iemand in die geskiedenis wat in die laaste strekke van hul lewe steeds ‘n ongelooflike bydrae gemaak het, soos byvoorbeeld Stephen Hawking.

Skryf in Afrikaans, dit het vlerke.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots!
Skryf in Afrikaans, dit het vlerke.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

Verslane loutering

Deur Datum gepubliseer: 15 Desember 2018 2

my menswees se loutering
lê in die blou weerkaatsing
van my oë –
in die klop
van my witsandhart

soos ‘n eggo
oor die ronding van ‘n duin
daar waar my drome
toegewaai lê
loop my spore
afge-ets op klam sand
onder soutlug

as nostalgie
my na die bloudam…

tydlose einde

Deur Datum gepubliseer: 14 Desember 2018 1

leë gebare
met tydlose waarde
is soos golwe wat nie breek

leë klanke
van niksseggende woorde
soos die piep van ‘n muis in leë huis

leë tyd
van gebeurloosheid
is soos die wind wat nie reën bring

leë beloftes
van eindelose verwagting
soos die hoop in ‘n mens wat vervaag

die einde
van…

Gister se onthou

Deur Datum gepubliseer: 14 Desember 2018 2

my lief
die nagte raak nou langer
en die dae gooi laslappies
op die paadjies
waar ons eens geloop het

soms as oggendkou’ se verlange
hoendervleis oor my lyf,
skryf ek vir jou ’n brief
vertoef ’n oomblik
in die hitte van ons argief
want êrens in ’n kas

Gebruikers Aanlyn

0 Lid, 37 gaste aanlyn

Bydrae Totale