Welkom, Besoeker
Welkom, Besoeker
Verwys na kategorie

April 2021 – Oordenkingsprojek

Beste INKers

Ek wens een en elkeen wie Paasfees gedenk, ‘n geseënde en heilsame fees toe. Mag die samesyn, die herdenking en oordenkinge vrugbaar wees in jul gees. Dié INKers wat nie Paasfees herdenk nie, mag dit vir julle ‘n veilige en kosbare ruspose wees in ‘n besige jaar.

Hierdie maand wil ek die Pase gebruik as metafoor vir ‘n periode van oordenking, as projek. Selfs dié lede wat nié aan die gebruik deelneem nie, kan ook aan die projek deelneem. Dit is nie noodwendig ‘n geestelike (godsdienstige) projek nie. Gebruik die stil word, introspeksie en herdenking van iets groter as onsself as ‘n vertrekpunt vir jou skrywe.

GEDIGTE:
1. Nie langer as 10 reëls nie.
2. 2 Kwatryne en ‘n koeplet.
3. Ten minste 2 neologismes wat onderaan jou vers omskryf moet word in ‘n voetnota.
4. Enige rympatroon of vryvers.
5. Tema: Oordenking
6. Jou titel mag nie “oordenking” as ‘n enkelwoord wees nie.

GORREL:
1. Nie langer as 400 woorde nie.
2. Dui jou woordtelling aan langs jou titel in hakies.
3. Tema: Oordenking

RUBRIEK:
1. Nie langer as 400 woorde nie.
2. Dui jou woordtelling, in hakies, langs jou titel aan.
3. Tema:. Maniere om in oordenking te tree. Meditasie ens.

ARTIKELS:
1. Skryf ‘n goed nagevorsde artikel oor die verskillende maniere waarop mense regoor die wêreld Paasfees herdenk.

VERHALE:
1. Nie langer as 800 woorde nie.
2. Dui jou woordtelling, in hakies, langs jou titel aan.
3. Tema:. Paasfees (enige fees egter) in die jaar 2121. 100 jaar van nou.

Skryf in Afrikaans, dit is die moeite werd

Gebruik die geleentheid om jou eie stempel op jou werk af te druk.

Skryf heerlik in Afrikaans.
Skryfgroete
Projekbestuurder
*Skryf in Afrikaans, dis ‘n goeie gewoonte.

*ONTHOU SLEGS 2 INSKRYWINGS PER AFDELING PER LID ASB. ELKE LID MOET OOK ASB SY STERGRADERING VIR ONS DEURGEE AAN DIE BOKANT VAN SY/HAAR PUBLIKASIE ASOOK DIE WOORDETAL VAN JOU PUBLIKASIE INDIEN DIT NIE N GEDIG IS NIE

Oordenkingsaadjies (Silver – 391 woorde)

Deur Datum gepubliseer: 12 April 2021 Hou van

Hierdie tyd van die jaar is kosmos oral in blom, sommer so oornag steek hulle hulle skaam, broos koppies uit en dans baldadig en vrolik in die wind. So asof hulle ons wil herinner aan die grootste gebeurtenis in die mensdom se bestaan. Die grootste liefdesdaad ooit op aarde.
Die…

Asemlose denke

Deur Datum gepubliseer: 7 April 2021 1

in afwagting se bleek
lê die kim asemloos, ongeverf en grou
in die skadu’s van die eerstelig (op die
sonbraaksels – van oker, oranje en rooi) en wag

begin om só nuwe dwarshoutpaaie te soek
want gebreekte stiltes het ook ‘n doel
splinterglas kan tog ook skitter en skyn en –
donker dieptes…

April 2021- Oordenkingsprojek

Deur Datum gepubliseer: 1 April 2021 3

Beste INKers

Ek wens een en elkeen wie Paasfees gedenk, ‘n geseënde en heilsame fees toe. Mag die samesyn, die herdenking en oordenkinge vrugbaar wees in jul gees. Dié INKers wat nie Paasfees herdenk nie, mag dit vir julle ‘n veilige en kosbare ruspose wees in ‘n besige jaar.

Hierdie…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 120 gaste aanlyn

Bydraes – Argief