Welkom, Besoeker
Welkom, Besoeker
Verwys na kategorie

April 2017 projek – Ope projek

In hierdie projek wil ons hê jy moet op drie aspekte van dig- en skryfkuns konsentreer. Om dit effe meer toeganklik te maak is dit ‘n oop tema en geen spesifieke versvorm (in die geval van verhale en rubrieke is dit ‘n oop tema) word verlang nie. Wat egter in die gedig / kortverhaal ingesluit moet word is:

1. Een metafoor
2. Een vergelyking
3. Een geval van personifikasie.

Ek gaan vinnig verduidelik wat die verskil tussen die bogenoemde is:

VERGELYKING:
Dit word altyd voorafgegaan met ‘n soos/so-as ens. Indien ‘n persoon of situasie met iets anders vergelyk word: ‘so vet soos ‘n vark’; ‘so fluks soos ‘n mier’ ens. waar die METAFOOR die skrywer een stappie verder neem waar iets of iemand iets anders word. ‘n Maklike voorbeeld is: Hy het senuwees soos staal (vergelyking) en; Hy het senuwees van staal (metafoor)

PERSONIFIKASIE:
Personifikasie is ‘n spesifieke soort metafoor waar menslike eienskappe toegedig word aan nie-menslike eienskappe. Dinge en begrippe kry persoonlike eienskappe soos byvoorbeeld:
(AG Visser) “Die maanlig het die see gesoen”

METAFOOR:
Waar mens aan twee verskillende voorwerpe dink, maar jy noem net een dan gebruik jy ‘n metafoor. Bv: Berge omarm die vallei ( die lyk asof die berge soos twee arms om die vallei strek)

Daar moet ten minste een van elk van die drie elemente in jou plasing voorkom. Dit is ‘n heerlike oop tema en ons sien baie uit na jou besonderse inskrywing/s.

Lekker skryf
Projekbestuur

Heilige ibis*

Deur Datum gepubliseer: 17 May 2017 8

Die son kom op net waar sy wil
en wys haar mooiste kleure
oor Blue Downs* en Driftsands* se duine.
Sy strooi haar gloed oor wilde tuine
wat weinig meer as sand en boegoe is.

Sy steek haar kop deur rook en mis
en vly haar skoonste lig oor roet en as –
dáár
waar net gister…

Doris Day*

Deur Datum gepubliseer: 17 May 2017 7

hier sit ek op die agterstoep
dis veels te warm in die huis
die swart hond drink lou water
uit haar bak voor die kombuis

die avondlug’s belofteloos –
ek tel die sterre en een maan
en soms wonder ek maar net
waaroor die lewe eintlik gaan

as die reën die jaar nie kom nie
dan is dit…

Adderleystraat .

Deur Datum gepubliseer: 17 May 2017 7

(Nou loop jy so versigtig, Mamma
en jy moet mooi kyk waar jy stap,
maar laat rus jou hand sag op my arm
– dan klim ons sáám
die laaste trap.)

Adderleystraat

Ek wonder of die sypaadjies
van Adderleystraat onthou –
die klik-klak van jou hoëhakskoene
verby die Stuttafordsgebou.

En dra die ruite nog herinnerings
van jou plooiromp wat so…

Gebruikers Aanlyn

including 1 member, 70 guests online

Bydrae Totale