Welkom, Besoeker
Welkom, Besoeker
Verwys na kategorie

3de Skryfkompetisie – Ink.org.za (1 Julie 2017 tot 10 Oktober 2017)

Dit is vir my wonderlik om die groot nuus met julle te deel. Hierdie kompetisie het die grootste pryse wat ons nog ooit op INK aangebied het! Die wenners sal op die gala-aand 4 November 2017 aangekondig word en ook hulle pryse van die borge ontvang

Die kompetisie het geen tema nie en lede kan self besluit of hulle ‘n digbundel, kortverhale/sketse of ‘n verhaal wil inskryf. Jy moet genoeg plasings (120 bl) op INK doen om te kwalifiseer en MOET ‘n geregistreerde en betalende lid wees om te kan deelneem.

Lede wat inskryf moet daarop let dat INK en borge betrokke GEEN redigeer werk aan die boeke/bundels gaan doen of verantwoordelikheid daarvoor aanvaar nie. Dit is elke lid wat inskryf se plig om toe te sien dat sy/haar inskrywings taalkundig versorg en korrek is.

Daar is ‘n eerste plek in die gedigte ASOOK ‘n eerste plek in die verhale en dit is nie waar die goeie nuus ophou nie … ons het ook ‘n 2de prys in elke afdeling.

1. Ingeskrewe lede van INK kan deelneem aan die beplande kompetisie in 2 afdelings nl boeke en digbundels wat in 2017 geloots word.

2. Die inskrywings word deur INK geadministreer en die 10 bestes in elke afdeling deur die INK moderators gekies en aan die borge voorgelê vir beslissing. Geen korrespondensie sal oor die uitslae gevoer word nie en die beslissing is finaal.

3. Eerste prys borg (gedigte & verhale) Groep 7 drukkers en Uitgewers (Pty)Ltd

a. ontvang 10 gekeurde manuskripte wat reeds taalkundig versorg is sowel as die inligting vir die buiteblad (lokteks, foto/skets/foto skrywer of digter).

b. doen bladuitleg en buitebladontwerp vir al 10 (as hule prys vir Top 10)

c. kies 1 wenner uit die 10 finaliste vir elke afdeling en wenners ontvang bykomend:

i. Registrasie van ISBN.

ii. 50 gedrukte boeke elk.

iii. Beskikbaarstelling op Groep 7 se aanlyn boekwinkel of E-boek, volgens die normale kostes en prosedure.

4. Indien die 9 ander in die top 10, wel hulle boeke wil laat druk, is die professionele voorbereiding reeds gedoen en hulle betaal net vir die drukkostes.
5. Hierdeur wil Groep 7 poog om die standaard van self-uitgewery te verhoog sodat dit in lyn is met die tradisionele uitgewers en boeke in die handel.

2de prys borg (gedigte & verhale): SA Vryskutskrywer

1. Die tweede pryswenner in die kortverhaalkategorie ontvang ‘n aanlynskryfkursus – LAAT JOU KARAKTERS LEEF.

2. Die tweede pryswenner in die digkunskompetisie ontvang ‘n aanlynskryfkursus – SKRYF JOU GEDIG.

Albei kursusse word deur SA Vryskutskrywer geborg.

Dit sluit in kursusmateriaal sowel as afstandonderrig en ‘n Sertifikaat van Voltooiing, mits die kursus bevredigend afgehandel en die vereiste slaagsyfer behaal word.

Mag elke lid op INK hierdie goue leentheid aangryp en inskryf!

Skryf lekker, in INK, in Afrikaans!

Anzé

witwolwense

Deur Datum gepubliseer: 6 Julie 2017 5

my witwolwense vir my land
my mense
vasgevang in ‘n bol gekoekte wol
iewers is ‘n begin
iewers ‘n einde
‘n tussenin
wat ek nie kan vind

my witwolwense stoot op in my keel
‘n gekweste duif wat ‘n boodskap bring
fladder om-en-om in my mond
witwolwense draai vas…

Al wat oorbly

Deur Datum gepubliseer: 4 Julie 2017 6

Jy het gemoor….en lewe gegee
jy’t vlees gebreek en gees geknak
dag vir dag ´n stryd om mens te bly
ja, “mens” met foute! in hierdie perfekte land

Daar is wilgerbome en donderstorms
bo ons hoor ons voëlsange
behou die hoop … behou die hoop
sleep in deur die…

Denke

Deur Datum gepubliseer: 3 Julie 2017 4

Maanligaand
treffend beskaamd
denke terug aan jou
eens in die baai
iewers langs die kaai

tussen wolke dans
breek branders
in skadu van gedagtes
waar die lighuis
‘n stille refrein

die mooiste klank
ons liefde bedank
breek trane groot
eens jou liefde
onverwags weg

skeur rou branders
kolkende gedagtes
padlangs verby
stukkende…

Gebruikers Aanlyn

0 Lid, 36 gaste aanlyn

Bydrae Totale