Welkom, Besoeker
Welkom, Besoeker
Taal waarskuwing*

Titel: Karoonag (Engelse Sonnet) Silwer

Deur Seirdna
Datum gepubliseer: 26 September 2020 Aantal woorde: 98 52 Kere gelees 1

in skemersatyn teen die voornaguur
met die sterre en die maan in gelid
deur die kaal karoo met ‘n vlees van vuur
het ek koesterend jou karma aanbid

in jou oog se kyk wink ‘n woord sy weg
en deur jou lippe wat speel met jou mond
soos vulkaniese rots wat vuur beveg
is daar’n magiese liefdesverbond

my hande wat ieder deining dikteer
en gebiedend só’n ritme bekom
ontmasker jou diep geheime verweer
totdat die hygings die aandstil ontstom

die eggo se stem uit die dorre vallei
vier die versugting wat liefde bevry

Andries Fourie (Seirdna) (Silwer)
2020.08.01




TEMAS
1 Kommentaar
  1. Anze

    28 September 2020

    Pragtig, baie dankie vir jou bydrae tot die September 2020 – Liefdes-projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 38
Kommentaar telling: 69

Gebore in Oos Londen; Grootgeword in Steynsburg Noord-Oos Kaap. Getroud  3 seuns, twee kleinseuns en 'n kleindogter. Van kleins af lief vir skryf. Opstelle was my ding en ek was nog altyd versot op die digkuns. Mal oor sport; het van jongs af briewe vir die Springbok rugbyspelers geskryf en hul handtekeninge versamel. Het later self provinsiale rugby vir die destydse Transvaal (Leeus) gespeel en saam met my ou skoolhelde soos Kevin de Klerk op die veld gedraf. Het Dr. Craven ontmoet en in 'n Curriebeker eindstryd gespeel. Dit was ongelooflik. Daar is twee diersoorte wat deel is van my lewe en vorming nl. perde en honde. Perde is sus en honde is so, beide wonderlik in my wese ingegrafeer. Geen gedig kan die perd se grasie en prag, of die hond se liefde en toewyding genoeg vereer nie. Die digkuns trek my soos 'n magneet. Ek wil dig oor alles om en in my, met ritme en rym. Sou hierdie talent my onderskei; wil ek dit aan my Heer toewy en gedigte skryf met 'n kwinkslag ,wat dalk die dissipels laat lag en hopelik miskien eendag in die hemelse biblioteek geag en gelees word.      

Gebruikers Aanlyn

3 Lede, 60 gaste aanlyn

Bydrae Totale