*JUBAL HET MUSIEK GEBRING.
God het geweet
ons is van klank gemaak,
die skeppingspols
wat deur stof en lewe kraak.
God het geweet
geen mens kan daarsonder nie:
Jubal het opgestaan in Moab
onder seuns, as vader van musiek.
en met fluit en sitersnaar
by tente in die woestyn
sy lied aan die hemel wyd verklaar –
tot ‘n allegro jubalatum-simfonie.
El Jubal – die Berg – wat is,
lê die fondasie ook vir Liszt.
Klank innerlik gevorm, mét dirigent
word die orkes, een enkel instrument.
Leef jou naam Jubal, in kontinuum.
Speel meesters; virtuoses – ad libitum.
MCDb.
Jubal:: kwytskelding/jubilee
Jubal; Bybelse historiese musikant.
2 Kommentare
Maak 'n opvolg-bydrae
Jy moet aangemeld wees om 'n kommentaar te plaas.
Toom
Hierdie sin is nou 'n treffer! -- God het geweet, ons is van klank gemaak. -- Dit het ek al die jare misgelees. Skande! Dankie vir die helder maandagmôreligstraal! GvT