Welkom, Besoeker
Welkom, Besoeker

Titel: Januarie 2019 projek

Deur Anze
Datum gepubliseer: 3 Januarie 2019 Aantal woorde: 262 68 Kere gelees 4

Beste INKers

Ek wens elkeen ‘n besonderse goeie 2019 toe. Mag die meetsnoere mooi val.

Alhoewel die Chinese nuwe jaar eers in Februarie afskop, wil ek tog hê dit moet ons onderwerp wees.

DIGTERS:
Skryf ‘n Tanka oor die nuwe jaar.
Tanka

TER INLIGTING:
Kenmerke van die tanka:

✓ ‘n Tanka is ‘n uitgebreide haikoe wat uit vyf versreëls bestaan.

✓ Geen rym kom in die tanka voor nie.

✓ Die tanka het ‘n vaste patroon wat lettergrepe aanbetref; die eerste versreël bestaan uit vyf lettergrepe, die tweede versreël bestaan uit sewe lettergrepe, die derde versreël bestaan uit vyf lettergrepe en die vierde en vyfde lettergrepe bestaan elk uit sewe lettergrepe.

✓ Waar ‘n haikoe gewoonlik in die teenwoordige tyd geskryf word, kan ‘n tanka ‘n veelsydige verandering van tyd en gemengde woordeskat bevat.

✓ Beeldspraak en neologismes wat natuur verwant is, kom gewoonlik in ‘n tanka voor.

Die tanka is woordekonomies, maar die inhoud van die gedig moet tog steeds sin maak.

VERHAALSKRYWERS:
Skryf ‘n verhaal oor die jaar van die vark. Dit kan enige onderliggende tema hê en hoef nie noodwendig met die nuwe jaar te doen te hê nie.

ARTIKELSKRYWERS:
Skryf ‘n artikel oor die Chinese nuwe jaar.

RUBRIEKSKRYWERS:
Lig jou mening oor die tradisies van nuwe jaar vieringe.

GORRELSKRYWERS:

Skets vir ons ‘n komiese verhaaltjie van 500 woorde oor iets gedurende nuwejaar.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots! Skryf in Afrikaans, dit het vlerke.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING




  • TEMAS

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 208
    Kommentaar telling: 2216

    Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

    INK E-formaat tydskrif

    Gebruikers Aanlyn

    3 Lede, 76 gaste aanlyn

    Bydrae Totale