Jan Bank
In ‘n koutjie
woon Jan Bank
en sy vroutjie
al tien jaar lank.
Hul deel die las
van skuld betaal,
maar met wasgoed was
en huis skoonmaak
het Jan geen saak nie.
Vroutjie lief moet verstaan,
hy nodig ‘n drankie
by aankoms, elke aand.
Sitvlak op die bank,
skoene vlak op die vloer,
afstandbeheer in die hand –
dis hoe hy boer.
Die tuin?
Dis vir Klaas
en in die huis
is ‘n onbetaalde slaaf.
© CJ Laing 12/01/2019
2 Kommentare
Maak 'n opvolg-bydrae
Jy moet aangemeld wees om 'n kommentaar te plaas.
Woordsmous
'n Ernstige sosiale kommentaar toegdraai in 'n lighartige jas. Jy kry dit reg om die situasie (wat so oorweldigend voorkom) met fyn humor presies te skets. Bravo See-Jay!