Welkom, Besoeker
Welkom, Besoeker

Titel: In Die Gange Van Onthou

Deur Woordsmous
Datum gepubliseer: 23 Julie 2019 Aantal woorde: 111 88 Kere gelees 1

(Die pyn van Alzheimers)

in die gange van onthou
is dit altyd skemerdonker
en die dowwe lig
wat aan ‘n kaal draad hang
bly altyd net te vêr om lig te maak

in die gange van onthou
is daar deure aan weerskante
wat geslote bly,
die handvatsels is lankal weg,
die sleutels het in newels weggeraak

in die gange van onthou
loop daar skimme om my rond
wat ek nie sien nie
wat gesigte nie meer het nie,
my geheue lê nou braak

in die gange van onthou
is die kaleidoskoop
nou swart en wit,
en al my bang en vrees
lê weerloos voor die wêreld naak…

©Anton Bosch 22/07/2019




TEMAS
1 Kommentaar
  1. morne du preez

    24 Julie 2019

    goed vergelyk met hoe mens te vorm van onthou so belangrik neem en hoe dit jou inpak as dit weggeneem word

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 110
Kommentaar telling: 43

Ek is 'n gebore Boerseun uit die ou Wes-Transvaal. Alhoewel ek die afgelope twaalf jaar in Ierland woon is ek steeds in murg en been en bloed 'n Afrikaner. Weens die liefde vir my taal het ek die pen opgeneem en dig hoofsaaklik in my Afrikaans. Ek is maar 'n groentjie in die digwêreld, het nog nooit 'n bundel gepubliseer nie, maar my passie vir Afrikaans sal sorg dat ek die pen nie weer neerlê voor ek my kop in finale rus neerlê nie. So, tot dan smous ek maar met my woorde...

Gebruikers Aanlyn

7 Lede, 105 gaste aanlyn

Bydrae Totale