Welkom, Besoeker
Welkom, Besoeker

Titel: Hou styf vas! (Brons)

Deur Palet
Datum gepubliseer: 6 Augustus 2019 Aantal woorde: 281 87 Kere gelees 1

Wanneer die wind stormsterk in die Weskus waai, dan waai hy met mening. Dit waai enige iets om, en rig groot skade aan. Jy dink nog jou motor staan op die hoek, dan kry jy hom iewers op sy dak in ‘n ander straat. Opgefrommel dat jy homself nie eers kan uitken nie.

So het dit dan ook gebeur dat ek besluit het om op die strand te gaan wandel. Met my groot strandhoed, sonbril en my hond aan sy leiband. Dit was iets vreesliks, die sand waai alles toe. Mens kan skaars ‘n meter voor jou sien, my sonbril het ook in die slag gebly. Wonder nog steeds in watter land het hy uitgespoel, of het dit ma net tussen sand en see verdwyn.

Arme voëls word so rondgepluk in die lug, skoon van koers af. Bome buig, takke kraak sommiges breek af, en jy moet wild koes vir vlieënde voorwerpe in die lug.

Dit is weer Augustus maand. Maak jou gereed vir hope stof wat oral in jou huis opgaar, jy kan nie voorbly om skoon te maak nie. Hou vensters en deure styf toe, en maak al die oop gaatjies ook digtoe.

Soos die eenkeer het my wasgoed aan die lyn losgeruk, en oral deur die lug gewaai. Die buurvrou paar huise van my af het wel een oggend met ‘n baie bekende baadjie te voorskyn gekom, en in my gedagtes het ek gewonder of dit nie dalk myne was nie.

En moenie eers praat van al die veldbrande. Die brandweer werk oortyd so ook my radio op die buurtwag. Maar dit is ongelukkig alles deel van verandering van seisoen, en ons moet ons daarmee versoen.




TEMAS
1 Kommentaar
  1. Anze

    6 Augustus 2019

    Pragtig, baie dankie vir jou bydrae tot die Augustus 2019 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 355
Kommentaar telling: 349

Waar die see en die horison ontmoet, sal die gedruis van die oseaan in die suis van die wind stil raak.. Dis hier waar my drome my woorde in die binnekant van my siel kom lӗ  

Gebruikers Aanlyn

2 Lede, 118 gaste aanlyn

Bydrae Totale