Welkom, Besoeker
Welkom, Besoeker

Titel: het jy al?

Deur Tharina Schnetler
Datum gepubliseer: 8 Maart 2018 Aantal woorde: 133 499 Kere gelees 7

Het jy al?

het jy al die bosveldmaan geproe
wyl jy motvlerkwapper daarvan skink
hy smaak helderblink doudruppelblou
as hy knipoog vir jou met ‘n flertsie sku

het jy al die sonbesiesang gesien
dis net soos trommelvoetstappe oor jou warm lyf
hoendervleiskoud die grootsheid daarvan
dat hul afkoel deur hul irriterende gekyf

het jy al in die bokoogspieël van ‘n koedoebul
gehoor hoe hy vir jou met engeltale kyk
geniet van die appels in jou kruiwahand
dankbaar vir jou fluister met ‘n klanklose brul

het jy al ‘n grasspriethalm hoor dans
soos ‘n wilde-warrelwind woekerwals
in gousblomgeure van goudgeel gras
het jy sy weenklaag al gesien?

het jy al die tarentaalsporestof geproe
as hul in bosveldhitte met swierige solo’s swem
die veld in duik-en-vlinderslag skoon sing-en-skrop
met ritmiese rieldanspassies rol-en-ruk

©Tharina Schnetler




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 12
Kommentaar telling: 0

Huisvrou en Ouma.  LIEF vir God, my gesin, oumense, kinders, diere, buite wees, die bos en die see.  Ek luister heeldag musiek en doen graag naaldwerk en hou van bak en brou.  Vriendskappe is kosbaar en ek troetel dit.  Meeste van my vriende kom nog uit kinderjare saam.

Gebruikers Aanlyn

0 Lid, 40 gaste aanlyn

Bydrae Totale