Welkom, Besoeker
Welkom, Besoeker

Titel: Hartsvriende

Deur Jessica Venter
Datum gepubliseer: 24 April 2018 Aantal woorde: 157 281 Kere gelees 3

as die wêreld my wil platvee
sal jy altyd my trane verstaan
met jou aan my sy
verander die lewe se bitter
in suikersoet omgee
ware vriende is ‘n seën

koor: vriendskap se hartswense
is liefde sonder grense
my bestie sal jy altyd bly
hartsvriende, ewig, ek en jy

as ek struikel oor my foute
met liefde sonder oordeel
is jy altyd daar vir my
langs bosveldvuur se knetter
lê ons gedeelde drome
smeulend tussen kole as

jou omgee hart
ken die klop van myne
tussen die skare
hoor jy as my siel roep
niemand ken my beter
by jou kan ek net wees

koor: vriendskap se hartswense
is liefde sonder grense
my bestie sal jy altyd bly
hartsvriende, ewig, ek en jy

met snapchat en selfies
word herinneringe vasgevang
teen die mure van my hart
as verlange in my oë blink
sal ek jou altyd onthou
my hartsvriendin sal jy altyd bly

© Jessica Venter
21/4/2018




  • TEMAS

    Laat u kommentaar

    GESKRYF DEUR

    Jy moet ingeteken wees om boodskappe aan hierdie skrywer te kan stuur.

    Publikasies: 47
    Kommentaar telling: 3

    Ek is gebore in Pretoria en het daar groot geword. My ma was ‘n enkelouer en het my dus alleen groot gemaak. Ek is al 15 jaar getroud. Ons het twee kinders, ‘n seun, Armand en ‘n dogter, Bianca. Ons bly in Randfontein tussen al die mynhope maar dis my tuiste. Ek het sekretarieël geswot by Randfontein Kollege. My man het sy eie vervoermaatskappy, ek doen al die kantoor werk al vir baie jare. My stokperdjies sluit in lees en skryf. Ek doen ook tans ‘n digterslypskool kursus. My passie vir skryf het eers ‘n paar jaar gelede ontpop. Ek het al drie boeke deur Kwarts Publishers gepubliseer. Hulle is beskikbaar in Bargain Books, op Amazon as e-boek asook op Kwarts Publishers se eie webblad. Ek het ook laas jaar ‘n ses maande kursus in kort verhale voltooi deur Die Skryfbesigheid asook deur Liberty University het ek ‘n kort skryfkursus voltooi aan die hand van Karen Kingsbury. Ek is tans besig met ‘n ses maande kursus in die skryf van Romanse aangebied deur Madelie Human.   Ek help by honde rescue, genaamd The Dachshund Haven. Ek doen elke week al hulle facebook plasings en ek hanteer al hulle admin. 

    Gebruikers Aanlyn

    1 Lid, 2,913 gaste aanlyn

    Bydrae Totale