Welkom, Besoeker
Welkom, Besoeker

Titel: HARTSPLAGIAAT

Deur GhwarriegatQueen
Datum gepubliseer: 9 Junie 2019 Aantal woorde: 177 221 Kere gelees Hou van

HARTSPLAGIAAT

Ongetem en stom skeur my oë in ‘n 2geveg dwarsdeur die onbevange swart van die nag.
Ek kruip weg vir die lig van die maan en flikker-flonker van die sterre; soos ‘n mal kakkerlak in die donkerte van ‘n stofhoekie iewerster in ‘n deurmekaar koskas.
Die rou wekroep van my hart stom gemuilband.
Gevange in die nag se swart monoloog; ‘n weerlose gyselaar van die stil 2spraak van drome wat weier om te sterf.
Maar in die middel van al hierdie donker.
In die middel van al hierdie sinlose chaos……. Sal ek terugklim binne-in die vuur van Sy oë.
Sal ek naak en sonder pretens staan voor die spieël van Sy Wees.
…….En stadig weer die prentjie van my menswees; my vrouweesgemaak inkleur met al die wild-skeppende kleure van ‘n vrygekoopte gees, ‘n verloste hart.
Stukkie vir stukkie weer die Bloudruk van die GhwarriegatQueen oorteken uit Sy hart!!!

Kyk mooi na jouself, liewe Bokkie my babie; en mag die vingermerke van die lewe saggies lê op en oor die handbreetes van jou wees.
©Liza Daniells




TEMAS
2 Kommentaar
  1. Tearlach

    10 Junie 2019

    Mooi gedig

  2. GhwarriegatQueen

    10 Junie 2019

    1001Dankies. Saggies doedoe vanaand, laf joe ☕🌹💝

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 62
Kommentaar telling: 20

Vergun my net so n skeutjie se agtergrond; seblief - Ek sal dit kort hou. Ek was vir 26 jaar (van ouderdom 8 jaar) vasgevang in prostitusie, delms, satanisme; ens. Ek sal jou nie opsaal met die detail nie. Ek is nou al 21 jaar deur God se genade vrygemaak van daai boeie van die verlede; maar ek ervaar steeds baie vervolging en verwerping van kerk en Establishment. En - verloor om n laaang storie kort te maak, ek het net mooi ALS - letterlik en figuurlik verloor. Hoeveel maal in die winter moes ek fisies op straat slaap; enne is nou een keer gegangrape......nou sit ek met serviks kanker. Maar dis nie die punt nie. Nie nou nie, in elk geval. Ek wil nie chemo of n hospitaalbed he nie. Ek wil weer die seesand onder my voete voel; die see sien. Ek is onherroeplik mal vir die see; vir mooi, ou Kaapland. Ek wil waag om te glo in die gebeur van n wonderwerk. Weer geluk vind; liefde. Ek wil LEWE!!!

Gebruikers Aanlyn

0 Lid, 28 gaste aanlyn

Bydrae Totale