Welkom, Besoeker
Welkom, Besoeker

Titel: Hande

Deur Christa du Plessis
Datum gepubliseer: 27 Junie 2019 Aantal woorde: 298 98 Kere gelees 1

Hande

Die Here het vir ons liggame met die wonderlikste beweeglikheid en grasie gegee. Dink maar aan ‘n ballerina wat op haar tone staan en, met hande bo haar kop uitgestrek, in die rondte tol. Al haar aandag en energie is gefokus op die danspassie waarmee sy besig is. Sy dans met oorgawe, met elke vesel van haar wese. Haar liggaam tol, haar gesig is na bo gehef, haar hande hoog bokant haar kop uitgestrek. Dis ‘n beeld wat in sy totaliteit die eer na God se Almag en Koninkryk terugkaats. Een van Sy skepsels wat, deur haar liggaam te oefen en ten volle te benut, aan Hom genot verskaf.

Ons hande kan praat, selfs al uiter ons monde nie ‘n enkele woord nie.

Hande wat, langarm, met palms na bo, wyd oop na iemand gestrek word, is verwelkomend.

Die bakhande van ‘n bedelaar vra.

‘n Vertroostende hand op die skouer verlig pyn. Dit troos.

‘n Handdruk maak jou bekend aan ‘n ander persoon.

Wanneer jy Hom aanbid, gebruik jy ook al die gereedskap wat Hy aan jou geskenk het vir dié doel? Hef jy jou hande op na Hom?

Jy sê: “Here, ek wil U loof, Maar jou gesig is van alle vreugde beroof. Jy sing: “Hef jou hande op na bo,” maar jy staan met jou arms styf teen jou sye, hande na onder, in plaas van na bo!

In jou moederskoot het Hy jou gevorm. Hy het jou gemaak, Hy weet alles van jou af.
Hy ken die beweeglikheid van jou liggaam, sy moontlikhede en beperkinge. Hy wil hê dat jy Hom met die volheid van jou hart, gees, verstand en liggaam sal dien.
Hy wil jou hande in aanbidding na Hom toe gestrek sien!

Mag ons almal Hom met liggaam, siel en gees dien.




TEMAS
2 Kommentaar
  1. Kiekies

    28 Junie 2019

    Goed geskryf.

  2. Christa du Plessis

    29 Junie 2019

    Dankie.

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 7
Kommentaar telling: 3

Gebruikers Aanlyn

0 Lid, 70 gaste aanlyn

Bydrae Totale